Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Fyrispurningar um "Málráð" og um "trúboðanarvirki v.m.”

Politikkur | 05/12-2018 01:31

Jógvan á Lakjuni, tinglimur fyri Fólkaflokkin, setur fyrispurning til Rigmor Dam, landsstýriskvinnu, um áseting av reglum fyri Málráðið, og til Aksel V. Johannesen, løgmann, um hvussu tað gongst við arbeiðnum at fyrireika lógaruppskotini, sum skulu tryggja, at føroyingar, sum eru uttanlands í manngóðum arbeiði, varðveita øll síni vanligu rættindi í Føroyum.

Munnligur fyrispurningur til Rigmor Dam um Málráðið:

2. mai 2012 varð lóg um málráð samtykt á Løgtingi. Málráðið er málrøktar- og málmenningarstovnur, skipaður undir landsstýrinum og í virksemi sínum óheftur av politisku skipanini.

Henda lóg kom í gildi 1. jan. 2013.

Í §10 í lógini stendur í 3. stykki, at landsstýrismaðurin eftir trimum árum skal leggja fyri Løgtingið eina frágreiðing um, hvørt lógin virkar eftir ætlan, og kanna, um til ber at áseta reglur um Málráð, Staðarnavnanevnd og Navnanevnd í somu lóg.

Nú eru skjótt 6 ár liðin, síðan lógin kom í gildi, men enn er eingin frágreiðing løgd fyri tingið. Tí verða hesir spurningur settir landsstýriskvinnuni.

1. Nær verður frágreiðing sambært §10, stk. 3 í løgtingslóg um málráð løgd fyri Løgtingið, og hví er hetta ikki gjørt, nú nærum 6 ár eru farin, síðan lógin kom í gildi?

2. Er nøkur kanning gjørd, um til ber at áseta reglur um Málráð, Staðarnavnanevnd og Navnanevnd í somu lóg?


Munnligur fyrispurningur til løgmann um løgtingsmál nr. 117/2016, “Uppskot til samtyktar um trúboðanarvirki v.m.”

15. mai 2016 samtykti eitt nærum einmalt løgting uppskot til samtyktar frá undirritaða um trúboðanarvirki v.m.

Løgtingið heitti við hesari samtykt á landsstýrið um at fyrireika og leggja lógaruppskot fyri Løgtingið, sum skulu tryggja, at føroyingar, sum eru uttanlands í manngóðum arbeiði, varðveita øll síni vanligu rættindi í Føroyum.

Í viðmerkingunum varð víst á, at tað eru nógvir føroyingar, sum millum ár og dag hava verið, og mangir eru framvegis uttanlands í trúboðanar- og øðrum hjálpararbeiði, og mong ofra meginpartin av sínum tilkomna lívi í menningarlondum undir sera fátæksligum og primitivum umstøðum fyri at hjálpa illa støddum menniskjum bæði andaliga og tímiliga.

Endamálið við uppskotinum var at fáa landsstýrið at leggja fyri Løgtingið lógaruppskot á fleiri økjum ella at gera eina serlóg soleiðis, at føroyingar, sum eru uttanlands í slíkum arbeiði, kunnu varðveita síni vælferðarrættindi í heimlandinum.

Nú ið hálvtannað ár er farið, síðan henda samtykt varð gjørd, verður við hesum fregnast eftir, hvussu langt er komið við málinum.

1. Hvussu langt er komið við arbeiðinum í sambandi við løgtingssamtyktina um trúboðanararbeiði v.m.?

2. Nær kann roknast við, at lógaruppskot í hesum sambandi verða løgd fyri tingið?


Á Løgtingi, 5. des. 2018,
Jógvan á Lakjuni, løgtingsmaður

 


Lagt út: Randi Jacobsen
Mest lisið í farnu viku
Eiga at halda fast við tálmandi rúsdrekka­politikkin
Sonni hevur Volvo "virus "
Kleptoman-landskassi
Rák (27) Damudomi um sexismu í almanna rúminum
R7 Premier League (29) - 10. des 2018
"Kom á 2069!" (42) - 7. des 2018
Metis - Øll sendingin - 11. desember 2018
NOVA úr Suðuroynni (33) - 10. des 2018
Tvístøða (49) - "Mín besti vinmaður hevur kvett sambandi við meg!"
Fuglafjarðarsendingin (14) - 06. des. 2018
Glasir!
Tvístøða (49) - Øll sendingin
Novembervitjan í Suðuroy - møtir og bíbliuskeið
Her verða allar gátur loystar
Tvístøða (49) - "Eingin hevur ábyrgdina av teimum, ið ikki finna bústað!"
Tíðindi klokkan 12
Heilsustøðan hjá Anne Graham Lotz - ferðin gjøgnum Skuggadalin longri enn væntað!
Janus Rein og Brandur Ellingsgaard: Nýtt advokat­felag byrjar í Føroyum
Rúni Jacobsen klakti eggini undir síni egnu dýnu
Løgtingið bíðar eftir málum og álitum
Tummas Henriksen kom á Miðvág við KATRIN JÓHANNU seinnapartin
Bústaðarpakkin trýstir vinnuna út
Hugnaløtan (16), tá Hanna Jensen var gestur, verður endursent í dag (7. des)
Brúgvin (113) - 10. des 2018
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi