Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Lívstryggingarfeløg og eftirlønargrunnar hava lægri íløguavkast enn í Danmark

Innanlands | 05/12-2018 13:35

Tryggingareftirlitið hevur gjørt eina kanning, sum samanber avkastið frá íløgum hjá føroyskum og donskum lívstryggingarfeløgum og eftirlønargrunnum. Kanningin er ein liður í at fremja gjøgnumskygni á tryggingarmarknaðinum.

Kanningin vísir, at í tíðarskeiðinum frá 2011 til 2016 var árliga íløguavkastið hjá teimum føroysku feløgunum í miðal 4,2 %, ið er munandi lægri enn avkastið hjá donskum feløgum, sum var 7,0 %. Íløguavkastið í 2017 var eisini munandi lægri hjá teimum føroysku feløgunum.

Ein orsøk til tað lægra íløguavkastið er, at føroysku feløgini hava sett sínar íløgur øðrvísi saman enn donsk feløg. Tey føroysku feløgini hava ein varnari váðaprofil, har tey hava sett ein munandi størri part av íløgunum í lágrentu stats- og realkreditlánsbrøv. Donsk feløg hava gjørt fleiri íløgur í partabrøv og lánsbrøv við hægri rentu, sum seinastu árini hava givið hægri avkast.

Tað er lutfalsliga stórur munur á miðal íløguavkastinum hjá teimum einstøku føroysku feløgunum. Hetta er m.a. orsakað av, at feløgini hava valt ymiskan íløguprofil, har nøkur feløg hava sett ein størri part av íløgunum í stats- og realkredittlánsbrøv við lágari rentu.

Árliga íløguavkastið í miðal hjá feløgunum lýsir, hvat eftirlønarsamanspararnir sum samlaður bólkur í mesta lagi kann fáa. Sostatt sigur hetta ikki, hvussu stórt avkast tann einstaki eftirlønarsamanspararin í veruleikanum fær, tí at avkastið til tann einstaka kann vera treytað av t.d. váða, aldri, produktum, garantium, kostnaði, bonus v.m.

Íløguavkastið hevur stóran týdning fyri støddina á eftirlønarsamansparingini í longdini. Um vit til dømis taka ein eftirlønarsamansparara, ið tjenar 30.000 kr. um mánaðin og rindar 15 % í eftirløn, sum svarar til 2.700 kr. um mánaðin aftaná 40 % í eftirlønarskatti. Fyri henda eftirlønarsamansparara hevði eitt árligt íløguavkast á 4,2 % í miðal givið eitt samanspart virði á uml. 3,4 mió.kr. aftaná 40 ár. Um íløguavkastið hevði verið 7,0 % hevði samansparda virðið ístaðin verið uml. 7,1 mió.kr., sum er meiri enn tvífalt so stórt.

- Tað er týðandi, at feløgini støðugt hugsa gjølla um teirra íløgupolitikk, so tey liva upp til ábyrgdina at veita eftirlønarsamanspararunum mest møguligt avkast í mun til váðan, sigur Jógvan Thomsen, stjóri á Tryggingareftirlitinum.

- Eg vóni, at kanningin kann vera við til at skapa gjøgnumskygni á marknaðinum, ið kann vera við til at betra um vitanina hjá eftirlønarsamanspararunum um egnar eftirlønarskipanir. Tryggingareftirlitið fer at arbeiða fyri størri gjøgnumskygni, soleiðis at eftirlønarsamanspararnir fáa viðkomandi og eins upplýsingar, ið eisini kunnu nýtast til at samanbera avkast og kostnað hjá teimum einstøku feløgunum.

Les alla kanningina her 

 


Lagt út: Randi Jacobsen
Lýsing
Mest lisið í farnu viku
Eg vil biðja um treytaleysa umbering
Tey lærdu okkum at elska Frelsaran.
Rættvísgjørdur av trúgv 
Hugnaløtan (52) - Gestur: John William Joensen
Húsarannsókn hjá fleiri laksafyritøkum
Prát við Jógvan Poulsen og Tóra Højgaard um politisku støðuna í USA
Er tað ein fyrimunur at kenna tey røttu í Býráðnum?
Páll á Reynatúgvu umhugsar uppskot
R7 Premier League (37) - 18. feb 2019
Svenskt met í stórum afturparti
MYNDARØÐ: Stórur skaði við vøllin við Stórá
Myndarøð: stormur í Vági
At lúgva um sína trúgv eitur Taqiyyah og er loyvt einum muslimi
"Kom á 2069!" (49) - 15. feb 2019
Prát við Hera Mortensen
Prát við Jákup Vestergaard og Bjørt Samuelsen
Jóhann Lützen: Tjóðveldi ger einki við loysingina
Eg veit ikki, um eg fái takkað øllum nóg mikið
Frans pávi játtar, at Pávakirkjan brúkar nonnur sum sex-trælir
Samrøða við Danjal av Rana
Annika Olsen stillar upp
Føroysk genta skal vera maskottur á Anfield týskvøldið
Tíðindi klokkan 12
Lars Løkke Rasmussen sendir heilsan til KOKS og Poul Andrias
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi