Góðan dagin, og takk fyri, at eg varð boðin at siga nøkur orð, nú tit lata upp í tykkara nýggju húsum her á
Toftum.

Ongar gyltar borgir hjálpa teimum, sum stríðast við fylgjur eftir kynsligan ágang. Og væl veit eg, at tey finna
ikki ugga og stuðul í flottum húsum.

Men tað er nú ein sannroynd, at fysiskir karmar hava týdning, tá fólk skulu trívast og tá starvsfólk skulu
kunna gera sítt ítasta.

So eg ivist ikki í, at tað fer at lætta um hjá tykkum í gerandisdegnum, nú tit hava fingið nógv betri umstøður
til tykkara virksemi. Og eg vóni eisini, at hetta fer at merkjast hjá tykkara viðskiftafólki.

Eg havi annars vitjað tykkum og sitið væl á Heiðavegnum í Runavík. Har var altíð hugnaligt at koma á gátt.
Tann hugnan og tann góða stemningin skapa tit við tykkara máta at vera uppá og við tykkara evnum at fáa
fólk at kenna seg væl og kenna seg trygg.

Hesar kenslur eru nakað, ið fysiskir karmar ikki kunnu fáa fram, men sum er innihaldið í kørmunum.
Eg veit, at tit í nógv ár hava ynskt tykkum betri og størri høli og tit hava stríðst fyri at fáa hetta ynskið
uppfylt. Bæði starvsfólk og eisini nógv sjálvboðin hava verið við til at gera ynskið til veruleika.

Tí fegnist eg í dag við tykkum og við teimum mongu føroyingum, sum hava tykkara hjálp og stuðul fyri
neyðini. Tíverri, kunnu vit siga, eru tey mong, sum hava brúk fyri tykkum.

les alla røðuna her  https://www.amr.fo/fo/kunning/tidindi/kris-i-nyggjum-husum/