Tvey ymisk evni eru hesa vikuna.

Altjóða politiskt er fokus á Arktiska økið. Sjúrður Skaale, fólkatingslimur fyri Javnaðarflokkin, hevur síðani 2014 verið í einum arbeiðsbólki, sum varð settur av formansskapinum hjá Fólkatinginum, at arbeiða við málum viðvíkjandi Arktis. Sjúrður Skaale er gestur í sendingini. Tosað verður m.a. um altjóða politikk í samband við Arktis, og um týðandi leiklutin hjá grønlendingum og føroyingum í hesum høpi. 

Í sendingini vitjar eisini feministiski felagskapurin Damudomi. Tosað verður m.a. um kynjamismun ella sexismu í almanna rúminum m.a. í samband við tiltakið Burn Showdown 2018. Tosað verður við Sunnvu Háberg Eysturstein og Ingilín Strøm.

Tað er Annika Bolton Mortensen, sum er vertur í sendingini Rák.