Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Lat okkum heldur styrkja námsfrøðina!

Lesarabrøv, Politikkur | 10/12-2018 20:40

Fólkaflokkurin hevur í løtuni eitt uppskot til viðgerðar í løgtinginum, sum snýr seg um, at pengarnir fyri barnaansing skulu fylgja barninum. Eitt populistiskt uppskot, sum ikki virðir fakliga støðið á stovnunum. Nei, heldur enn at senda námsfrøðingarnar til hús eiga vit at styrkja námsfrøðina, til dømis við at áseta minimumsnormeringar.

Vit hava í dag eina góða, samhaldsfasta barnaansingarskipan, har øll, sum hava tørv á barnaansing, hava somu møguleikar og atgongd. Tey, sum hava minni pening at ráða yvir, hava møguleika at fáa frípláss, og tey, sum eiga nógv børn, fáa systkinaavsláttur. Vit hava útbúnar námsfrøðingar á stovnunum, og fakliga støðið er høgt. Hetta kunnu vit vera errin av.

Nú ætlar Fólkaflokkurin at taka peningin úr skipanini, og avleiðingarnar av uppskotinum eru óvissar. Hvussu nógv og hvørji foreldur høvdu tikið av hesum møguleikanum? Hvørjar avleiðingar hevði tað havt á kommunurnar? Hvørjar avleiðingar hevði tað havt á arbeiðsmarknaðin? Á dagstovnarnar? Og ikki minst, hvørjar avleiðingar hevði hetta havt á børnini?

Fólkaflokkurin skrivar í viðmerkingunum til uppskotið, at námsfrøðingar og onnur kunnu stovna privatar ansingarstovnar, arbeiðspláss kunnu bjóða ansing, au-pair er ein møguleiki, og grannaløg kunnu taka seg saman og skiftast um ansing. Hvussu heldur Fólkaflokkurin, at vit kunnu tryggja, at fakliga støðið er í lagi, tá ansingin verður flutt frá námsfrøðingum til au-pair og grannaløg? Nei hetta prógvar, at Fólkaflokkurin ikki virðir námsfrøðiliga fakið.

Spyrt tú meg, eiga vit heldur at styrkja námsfrøðina á stovnunum kring landið. Heldur enn at taka peningin úr skipanini, eiga vit at raðfesta økið. Heldur eiga vit at seta fleiri útbúnar námsfrøðingar, at raðfesta skeið og eftirútbúgving og tryggja okkum, at vit hava nóg nógvar námsfrøðingar um børnini við til dømis at áseta minimumsnormeringar.  

Tí tekur Javnaðarflokkurin ikki undir við uppskotinum hjá Fólkaflokkinum. Vit ynskja eina trygga og samhaldsfasta skipan, har fakliga støðið er í lagi. Vit virða námsfrøðina.

Djóni Nolsøe Joensen, Javnaðarflokkurin

 


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Randi Jacobsen
Lýsing
Mest lisið í farnu viku
Páll á Reynatúgvu: Marine Harvest hevur frávalgt at reka flakavirkið í Skopun
Vespureiðrið (111) - 17. juni 2019
Metis NÙ beinleiðis á R7 nú klokkan 13.00 til 15.00
Stafettin (9) - Joen Magnus Rasmussen spyr Ruth Vang
Tíðindi klokkan 12
Manning á Sjóborg avhoyrd
Við Sjóvarmálan (5) - 17. juni 2019
"Kom á 2069!" (64) - 14. juni 2019
Metis - Øll sendingin - 18. juni 2019
Ingolf Sólheim Olsen varð loystur úr løgtings­sessi­num fríggja­dagin
Suðuroyar­tunnilin fer at kosta meira enn 3 mia. krónur
Prát við Jógvan Gregersen, stjóra á Vaðhorn Seafood.
Prát um garðdag hjá kirkju­ráð­num og um kórið Effata, sum hevur verið gospel-túr við Norrønu
Pauli Trond Petersen lovar "at tað skal verða heitari um kvøldar­nar í Føroyum"
Moralska kumpassin
Prát við Ragnar Danielsen um bók hann skrivar við øðrvísi lokalum søgum
Maersk sett nýtt heimsmet við størstu lastini umborð
R7 kringvarp klokkan 13.00 til 15.00: beinleiðis sending Við Sjóvarmálan
Maskinur­nar fluttar til Hvalba
Nýggi minnisvarðin í Svínoy
Garðdagur í barna­garði­num Lítlafløtti
Iran fyrireikar seg til at verða skuldsett fyri álop á tangaskip
Kirkjan skipaði fyri garðdegi
Magn í Saltangará nyggja bil vaskimaskinu
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi