Størsta show í 2018 nú á DVD
Tað nýtist eingin Gallup-kanning fyri at staðfesta, at føroyingum dáma væl at grína.
Hetta bleiv prógvað enn einaferð, tá Pipar & Salt í vár bjóðaðu fólki til framførsluna "Alt var betri fyrr". Nærum 11.000 fólk komu at hyggja - tey flestu í Havn, nøkur í Klaksvík og nøkur í Vági.
Um tvær vikur fáa tey flestu nakrar frídagar, og tá kunnu tær stuttligu løturnar endurupplivast. Ein av sýningunum bleiv nevniliga filmað, og er nú at fáa sum DVD í nógvum handlum kring landið.
Hon kann spælast í DVD-spælarum, í teldum og í playstation.
Á DVD'ini hava Pipar og Salt hesa jólaheilsan til fólk:
Næstan einki var betri fyrr. Uttan tað, at vit sjálvir vóru ungir. Tað var sjálvandi nógv betri. So nógv betri, at vit ofta faktaavnoktandi hugsa, at alt var betri.
Tá vit siga, at alt var betri fyrr, merkir tað altso bara, at vit eru gamlir.
Tann skyggjandi sannleikin er kortini, at næstan alt er betri nú. Høvdu vit kunnað valt, høvdu vit heldur vilja verið ungir í 2018. Men tað eru tað nøkur onnur, sum sleppa. Og tað er rættiliga órættvíst, tí tey duga ikki at virðismeta tað. Ganga og lalla runt sum um alt - ja, sjálvt teirri egni ungdómur - er ein sjálvfylgja. Brúka hann til fjant og fjas. Ungdómurin er, so segði Oscar Wilde, spiltur uppá tey ungu.
Vit brúktu ungdómin betri. Og nú brúka vit okkara lívsins heyst til at toyggja okkum eftir tí, sum vit gjørdu, tá hann var okkara. Eitt nú við hesi framførsluni, sum nærum 11.000 fólk komu at hyggja at í vár.
Takk fyri tað.
Tað kendist næstan sum at vera ungur aftur. Fyrr - tá alt var betri.
Heilsan,
Jákup og Sjúrður
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur