Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Innkomuvegur í Runavík og Gøtudalstunnilin

Innanlands, Lesarabrøv | 21/12-2018 13:47

Gøtudalstunnilin hevur verið heilt fitt umrøddur í fjølmiðlunum seinastu tíðina, og tað er gott. Men tá Gøtudalstunnilin verður settur upp móti innkomuvegnum til Eysturoyartunnilin, Runavíkarmegin, tá er ikki í lagi.

Hetta snýr seg ikki um antin ella, men um bæði.

Brúk er fyri einum góðum innkomuvegi í Runavík, Gøtudalstunlinum og so ikki at gloyma vegin omanfyri bygdina í Skálafirði. Hetta eru neyðugar verkætlanir, allar samlar.

Í hesum umrøðum, so eru misskiljingar og møguliga eisini manglandi vitan um veruligu støðuna við vegakervinum í Runavík. Eg lesi t.d.  í Norðlýsinum mikudagin 19. desember, at skrivað verður:

Tað er greitt fyri øll, at ferðslan ikki kann fara ígjøgnum Runavík eftir núverandi vegunum har. Tað hevði svarað til, at latið alla ferðsluna úr Norðoyatunlinum koyrt eftir gamla Leirvíksvegnum.

Henda útsøgn er ein stór misskiljing.

Ferðslan kann fara ígjøgnum Runavík. Vegurin gjøgnum Runavík er átta metrar breiður við breiðum gonguteigum báðumegin. Men, tá tosað verður um innkomuvegin, so er tað ikki vegurin, sum gongur gjøgnum Runavík, men vegurin, sum liggur framvið sjóvarmálanum - nevndur Fjarðavegurin - tosað verður um.

Tað er Fjarðavegurin, sum eisini skal gerast góður og tryggur til ta stóru ferðsluna, sum fer at koma, tá tunnilin letur upp. Tá hetta alneyðuga arbeiðið er gjørt, so hava bilførararnir møguleika, antin at velja at koyra eftir verandi vegi í Runavík, gjøgnum Runavíkar bý, ella at koyra eftir Fjarðavegnum. Hetta fer at gera, at ferðslan fer at ganga skjótari og smidligari, enn um bert møguleiki verður at koyra eftir verandi vegi í Runavík.

Verður einki gjørt, so verður ferðsluruðuleiki, so her má nakað gerast.

Støðan í dag er tann, at koyrandi verður gjøgnum Skálafjarðartunnilin um 1½ ár, og tí er neyðugt beinanvegin at fáa eina greiða ætlan og avtalu um, hvussu avbjóðingarnar við innkomuvegnum í Runavík verður loystar.

Runavíkar kommuna hevur gjørt skipanaruppskot og frágreiðing, sum ber heiti “Eysturoyartunnilin og innkomuvegur í Runavík”. Eg veit eisini, at fundir hava verið millum Runavíkar kommunu og Samferðslumálaráðið um innkomuvegin, so gongd er í.

Eg fegnist eisini um, at 4 mió. kr. eru avsettar á fíggjarlógini í 2019 til innkomuvegin og gleðiligt er at hoyra landsstýrismannin í samferðsluráðnum, Heðin Mortensen, frá tingsins røðarapalli, boða frá, at hann í januar næsta ár kemur í tingið við eini verklagslóg viðvíkjandi innkomuvegnum í Runavík, samstundis sum hann leggur eina verklagslóg fyri tingið um innkomuvegin í Havn.

Innkomuvegurin í Runavík og Gøtudalstunnilin, eru tvær neyðugar verkætlanir og eiga ikki at verða settar upp móti hvør aðrari.

Hetta snýr seg ikki um antin ella, men bæði.

Magnus Rasmussen

løgtingsmaður fyri Sambandsflokkin


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Birgir Waag Høgnesen
Lýsing
Mest lisið í farnu viku
Páll á Reynatúgvu: Marine Harvest hevur frávalgt at reka flakavirkið í Skopun
Vespureiðrið (111) - 17. juni 2019
Metis NÙ beinleiðis á R7 nú klokkan 13.00 til 15.00
Stafettin (9) - Joen Magnus Rasmussen spyr Ruth Vang
Tíðindi klokkan 12
Manning á Sjóborg avhoyrd
Við Sjóvarmálan (5) - 17. juni 2019
"Kom á 2069!" (64) - 14. juni 2019
Metis - Øll sendingin - 18. juni 2019
Ingolf Sólheim Olsen varð loystur úr løgtings­sessi­num fríggja­dagin
Suðuroyar­tunnilin fer at kosta meira enn 3 mia. krónur
Prát við Jógvan Gregersen, stjóra á Vaðhorn Seafood.
Prát um garðdag hjá kirkju­ráð­num og um kórið Effata, sum hevur verið gospel-túr við Norrønu
Pauli Trond Petersen lovar "at tað skal verða heitari um kvøldar­nar í Føroyum"
Moralska kumpassin
Prát við Ragnar Danielsen um bók hann skrivar við øðrvísi lokalum søgum
Maersk sett nýtt heimsmet við størstu lastini umborð
R7 kringvarp klokkan 13.00 til 15.00: beinleiðis sending Við Sjóvarmálan
Maskinur­nar fluttar til Hvalba
Nýggi minnisvarðin í Svínoy
Garðdagur í barna­garði­num Lítlafløtti
Iran fyrireikar seg til at verða skuldsett fyri álop á tangaskip
Magn í Saltangará nyggja bil vaskimaskinu
Kirkjan skipaði fyri garðdegi
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi