Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Løgmaður undirgrevur politisku skipanina.

Lesarabrøv, Politikkur | 22/12-2018 23:41

Málið viðvíkjandi Rigmor Dam og Glasir er púra greitt. Har er ikki neyðugt við nakrari kanning. Ætlaða kanningin er ein roynd at krógva lógarbrot og vóna at føroya fólk gloymur ábyrgdarloysið.

Tá eykajáttanarløgtingslógin un Glasir var løgt fram í Løgtinginum í november, upplýsti landsstýri, at

“av samlaðu meirveitingunum eru sambært Landsverki 15,5 mió. kr. staðfestar meirútreiðslur fyri arbeiði, sum er gjørt” og “eftir ætlan skal sedum flagtekja leggjast á skúlan, og vóru í 2017 játtaðar 7 mió. kr. til endamálið. Undir viðgerðini av tørvinum á eykajáttan hevur Landsverk upplýst, at tað hevur víst seg trupult at finna eina brúkiliga loysn viðvíkjandi flagtekjuni til skúlan. Ráðgevin hevur enn ikki kunnað víst á eina nýtiliga loysn, og tískil er arbeiðið ikki gjørt. Landsverk upplýsir, at játtanin, sum varð latin til endamálið, er brúkt, men verður ein loysn funnin fyri tekjuna, verður tørvur á nýggjari eykajáttan”.

Rigmor Dam og Kristin Háfoss staðfesta, at pengar eru nýttir, hóast ongin játtan frá Løgtinginum fyriliggur og at pengar, sum Løgtingið játtaði til flagtekju, eru brúktir til annað endamál.

Løgtingslóg um stýrisskipan Føroya, § 43 stk. 2. sigur, at “ongin útreiðsla má verða goldin, uttan at heimild er fyri henni í teirri fíggjarlóg, ella aðrari játtanarlóg, ið er í gyldi, tá ið ávíst verður”.

Landsgrannskoðarin hevur í notati frá januar í 2017 til Løgtingsgrannskoðararnar um játtanar- og útreiðslugongdina í samband við verkætlanina at byggja Glasir, staðfest, at - “játtanin til Skúladepilin er latin undir § 7 “Mentamál”. Mentamálaráðið hevur latið Landsverki ræðisrættin til játtanina, men ábyrgdin fyri, at játtanin fer at halda, og at borgarin fær tað fyri peningin, sum rindað er fyri, liggur hjá Mentamálaráðnum”.

Tí er ongin ivi. Rigmor Dam hevur brotið løgtingslóg um stýrisskipan Føroya.

Talan er um nógvar pengar, sum eru brúktir í heimildarloysi. Tað er tann stóri politiski trupuleikin. Tí var misálit lagt á Rigmor Dam. Vit kunnu bert staðfesta, at umboðini fyri Javnaðarfl., Tjóðveldi og leysgangararnir Sonja Jógvansdóttir og Magni Laksafoss, vardu landsstýriskvinnuna.

Tað er serliga støðan hjá Tjóðveldi sum er áhugaverd. Nú hevur tað ongan týdning, at landsstýrisfólk bróta stýrisskipanarlógina. Hetta eru tey, sum bjóðaðu seg fram til at fáa álit aftur á politisku skipanina. Tóm lyftir.

Tað mest undrunarsama er støðan hjá løgmanni. Hann undirgrevur alla politisku skipanina. Hansara boðskapur er, at um landsstýrisfólk syrgja fyri onki at vita, so ger tað onki um tey bróta stýrisskipanarlógina.

Tað er skelkandi at hoyra ein løgmann útala seg á ein slíkan hátt. Fulkomuliga ábyrgdarleyst.

Soleiðis skrivar Jacob Vestergaard á Facebook vanga sínum í kvøld.


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Randi Jacobsen
Lýsing
Mest lisið í farnu viku
Páll á Reynatúgvu: Marine Harvest hevur frávalgt at reka flakavirkið í Skopun
BEINT NÙ À R7 radio: COUNTRY TÌMIN
Metis NÙ beinleiðis á R7 nú klokkan 13.00 til 15.00
Vespureiðrið (111) - 17. juni 2019
Stafettin (9) - Joen Magnus Rasmussen spyr Ruth Vang
Tíðindi klokkan 12
Manning á Sjóborg avhoyrd
"Kom á 2069!" (64) - 14. juni 2019
Hav Atlantic hevur spart nógva olju við eini nýggjari skipan
Við Sjóvarmálan (5) - 17. juni 2019
Prát: Virgar Dalsgaard um Merkið og Emil Joensen
Suðuroyar­tunnilin fer at kosta meira enn 3 mia. krónur
Ingolf Sólheim Olsen varð loystur úr løgtings­sessi­num fríggja­dagin
Countrytímin - Sending um Country & Blues festivalin 2019
Gerhard Lognberg: Stórreiða­rin í Klaksvík fór við fiskinum
Pauli Trond Petersen lovar "at tað skal verða heitari um kvøldar­nar í Føroyum"
Prát: Elsebeth Mercedis Gunnleygsdóttur, Jógvan Skorheim og Óluva Klettskarð um politikk í Norð­oyggjum
Moralska kumpassin
Maersk sett nýtt heimsmet við størstu lastini umborð
Metis - Øll sendingin - 18. juni 2019
Prát: Svein Rógvi Ljósstein Nielsen um at rudda plast
R7 kringvarp klokkan 13.00 til 15.00: beinleiðis sending Við Sjóvarmálan
Semir Hadzibulic er aftur bláur
Nýggi minnisvarðin í Svínoy
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi