Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing
? / ??

Yngsti miljardingur í Tanzania rændur og afturkomin

Andøvsløtan | 06/01-2019 09:00

Dúgliga varð biðið í Tanzania til Allah fyri Mohammed Gulamabbas Dewji dastið av oktober mánað, og tað mundi hjálpa, tí miljardingurin slapp leysur.

“Mo” Dewji verður sagdur at vera yngsti miljardingur í Tanzania, 43 ára gamal og góður fyri $ 1,3 mia (10 mia kr) kr smbr Forbes Mag.

BBC og Daily Mail dekkaðu hesa afrikansku burturføring, meðan hon varaði.

Mo er ljósleittur, og hóast purlut hár sær hann meiri arabiskur enn afrikanskur út. Ikki minni tanzanskur enn so, at hann sat í tjóðartinginum í Dar es Salaam frá 2005 (tá bert 30 ára gamal) til 2015, tá hann legði politikkin á hillina.

Vanligt er, at afrikanskir ríkmenn eru mutraðir politikar ella ríkir av at hava mutrað politikarar. Men Dewji tykist ikki at hava kraddað til sín tey 10 árini í politikki, men at hava tjent sínar miljardir sum dugnaligur vinnulívsmaður.

Hann arvaði fyritøkuna MeTL frá pápa sínum og hevur klárað at víðka hana til at umfata fleiri afrikansk lond. Best kenda vøran, fyritøkan framleiðir, kallast Mo Cola og klárar at kappast við Coca-Cola í Afrika.

Tað byrjaði við, at Dewji setti bilin ein morgun uttan fyri gistingarhúsið Coloss-eum í Dar es Salam fyri at venja í fitness rúminum, men vápnaðir menn rændu hann, áðrenn hann slapp innum, og koyrdu burtur við honum.

Mannaráðið vakti stóran ans í Tanzania, tí tann rændi er fyrimynd sum hov-ríkur maður, tiltikin fyri at geva pening til vælgerðarmál. Hann varð rændur og burturførdur á opnari gøtu av útlendskum brotsmonnum, meinar løgreglan.

Mo Dewji er ein av teim ríkmonnum kring heim, ið alment hava undirskrivað sonevnt “vælgerðarlyfti” og er tí høgt virdur millum sínar landsmenn, ið bóðu dúgliga til Allah tær vikurnar, hann var horvin.

Familjan hjá milliardinginum beyð rænarunum $ 440.000 (= 3 mió kr) í loysigjaldi. Men samstundis lovaði løgreglan teimum stóran pening fyri at koma við upplýsingum, ið kundu føra til, at illgerðarmenninir vóru tiknir.

Nakrar vikur gingu, so var Mohammed Gulamabbas Dewji heima aftur. Eingin fjølmiðið veit tó fyri vist, hvussu hann, familjan ella løgreglan bóru seg at, ella hvussu nógv tað kostaði, at Dewji varð leyslatin í øllum góðum.


Meiningar og hugleiðingar ið verða bornar fram í sendingum á R7, umboða ikki meiningar, áskoðanir ella sjónarmið hjá leiðsluni í R7 Kringvarp.

Lýsing
Mest lisið í farnu viku
SVIK: Ronnie Thomassen ummælir bókina um Eik-málið
Vit á R7 gita: Hendan ferjan skal sigla við farminum, um Skopunarfjørð
Samrøða: Bjarni Arnason, Jóhan Dahl og Jacob Vestergaard um fiski­vinnu­lóggávuna, sum er á veg
Miðvika við Kára P. Højgaard (3) - Gestur: Hendrik Old
R7 Premier League (41) - 9. des 2019
Donald Trump gav talibanum ein rimmar hvøkk á vitjan í Kabul
Sonne Smith um nýggja havrannsók­nar­skipið
Ivan H. Niclasen: Meira gjøgnumskygni
Høgni í Jákups­stovu: Eg skilji báðar partar
Hol sett á arbeiði undir Høganesi
Hendingin í Miðvági í gjárkvøldið: politiið hevur sent hetta tíðindaskriv út
Hetta er nýggi havnarfútin í Vestmanna
Samrøða: Jacob Vestergaard um manglandi fiskidagar hjá Bólki 5B
Studningur til at ganga á háskúla í ríkisfelagsskapinum
Samrøða: Ragnar Danielsen um bók sína "Nú fækkast tey á gomlu Strandagøtu"
Georg L. Petersen: Innihaldið í samrøðuni eigur út til fólkið
Jødisk-kristin mentan og etniska býtið av Nobel-vinnarum
Fleiri idiotiskir spádómar um annað enn veður
Pávakirkjan snávar frá eini gølu til aðra
Trupulleiki við muni á fiskaprísi
Strandferðslan: Nærum øll koyring og sigling avlýst vegna veður
Útlendingar í USA sendu í fjør USD 160 mia til familjur heima
Eigur tú tveir lastbilar til Landsverk ?
TALUFRÆLSI
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi