Macron gekk við nasunum í ský, meðan París brann
Macron er herviligur globalistur og vil leggja landamørk niður, so øll 3-heims landa-strok, ið vilja, kunnu flyta niður í ES-almannakassar. Macron var í undanfarnu stjórn
Hollande var forseti tá. At end stuðlaðu bert 3% av fronskum veljarum Hollande, tí hann gjørdi Frakland til eitt sosialistiskt og muslimskt galihús. Sosialistiski Macron segði upp áðrenn, stovnaði flokkin En Marche og stillaði upp sum miðpolitikari! Fjølmiðlarnir gjørdu, at hann fekk 60% undirtøku til síðsta forseta- og tjóðartingsvali.
Tá blakaði Macron gekkaskortin og vísti sítt sanna andlit. Nú kappast hann við Merkel o.a. ES-leiðarar um at islamisera Evropa og at bróta niður franska, evrop-iska og kristna mentan. Hann sigst vilja bjarga franska búskapinum frá ringu fylgjunum av vinstrahalla búskapinum hjá Hollande og sær sjálvum.
Macron dansar á bonaðum gólvum um allan heim við fremstafingri á lofti. Í novemb-er deildi hann Trump forseta á G-20 fundi í Argentina og skuldsetti hann fyri at vera “nationalist”. Sjálvur sigur Macron seg vera “patriot,” “fosturlandsvin”, men ikki “nationalist.” Tað partiotiska er moralskt rætt. Tað tjóðskaparliga er ringt og ónt.
Í november var undirtøka fronsku veljaranna fyri Macron fallin úr 63% niður í 28%.
Vikuna eftir reypaði Macron aftur í Katowiche í Pólandi við fremstafingri uppi, at hann og franska tjóðartingið fóru at hækka avgjaldið á bensini og diesel 30%. Endamálið var at fíggja part av teim $100 mia, sum heimsins framkomnu lond skuldi gjalda 3-heims pestholum (les: teirra korruptu leiðarum) smbr París-avtaluni.
Macron er millum teir politisku leiðarar, ið halda, at veðurlagsbroytingar eru størsta hóttan móti mannaættini! Um Vestanlond (men ikki kolslúkar sum Kina og India) ikki gjalda 3-heimi $ 100 mia árliga (at byrja við, meiri seinni), klára vit ikki at lækka globalu upphitingina 0,2 stig minni enn annars væntaðu 2 stig upphiting um 100 ár! Veðurlagsbroytingar eru heimsins størsta ræðuherferð, síðan Pávakirkjan uppfann í miðøld “reinsanareldin”, ein helvitis forgarð, sum fólk tó kundu keypa seg burturúr.
Macron hevði ikki meiri enn hálvtalað orð, so fóru 1000-tals miðal hampa fraklend-ingar út á gøturnar í (lógarfestum) gulum vestum at mótmæla. Vikuskiftini eftir løgdust onnur túsundir til, t.m. berman, fascistarnir á vinstraveinginum, og tá logaðu bilar, handlilsgluggar vórðu rændir og brendir í París. Macron kundi ríða og renna.
Macron snúði 180 stig, uppgav eyka bensingjaldið, men undirtøkan fyri honum var tá fallin niður í 18% (Undirtøkan fyri Donald Trump liggur stútt oman fyri 45%). Men tað er eisini munur á forsetum, tí franska og tí amerikanska, munur á monnum.
Mest lisið í farnu viku
Samband
Heygsvegur 8
490 Strendur