Kynsligi villskapurin breiddi seg í 2018 og versnar helst í 2019
Okkara tíð er ein moralskur og intellektuellur ruðuleika. Ytsti vinstrivongur hevur brotið øll náttúrlig mørk, so bert kenslur avgera, hvat er rætt og skeivt.
Sálarlæknar brúka enn eitt vísindaligt heiti, “disfori”, “ólag” á føroyskum. Orðið verður skjótt bannað, tí alt skal bera til, skjótt verður alt loyvt uttan tað at bera fram ávís sjónarmið alment, um tey ríva tey kenslubornu vinstrahallu í nasarn-ar ella ganga ortodoxum og marxistiskum trúar- og lærusetningum ímóti.
Seinasta láturliga hending í 2018 var, at Emil Raterband søkti ein hollendskan dómstól at sleppa at lækka sín aldur úr 69 niður í 49. Hann grundgav, at hann følir seg 49 ára gamlan, og ein læknakanning staðfestir hansara góðu heilsu. Ratelband hevur illa fingið samband við kvinnur á Tinder í seinastuni.
Hollendingurin vil verða 49, keypa nýggj hús og flottan bil og fáa konufólk.
Hví skal hann ikki tað, spyr Michael Brown, í sínum útvarpssending, tá ið:
ein maður er korin “Ársins kvinna” í stórum mótablað,
ein hvít kvinna við brúnum kremi og purlutum hári verður góðtikin sum svørt,
ein pápi at 7 børnum sigur seg vera eina 6 ára gamla gentu,
ein maður følir seg sum hund, Boomer av navni,
ein ung dama heldur, hon er ketta, stongd inni í einum kvinnukroppi,
ein maður hevur broytt kyn og skorið oyru og nøs av sær, tí “hon” følir seg sum eina “drekakonu” við roslu, kloyvdari tungu og hornum á pannuni???
Hesi eru eyðsýnd dømi av sonevndu “hálku- ella glíðibreytini” hjá LGBT.
Hví kann Ratelband ikki skifta aldur, tá kromosom einki telja í kynsáseting?
Tað er púra logiskt (umenn ikki náttúrligt), at vit nú strika ta sannroynd, tann veruleika, at menniskju eru øll frá føðing skapt sum maður ella kvinna.
“Anatomi avger ikki kyn”, segði serfrøðingur í New York Times fyri jól. Fyri bert 10 árum síðan og alla mannasøguna hevði slíkt uppáhald vakt undran, látur ella ovfarni. Tað hevði strítt ímóti øllum vísindum til fyri 10 árum síðan.
Vit góðtaka nú, at persónur við 2 x-kromosomum, kvinnuligum kynsgøgnum, bróstum og mánasjúku kallar seg mann og fær viðhald í lógum og dómstólum í, at hon er “maður”. Skjótt verður 69 ára gamal 49. Vit gomlu gleða okkum.
Mest lisið í farnu viku
Samband
Heygsvegur 8
490 Strendur