Løgmaður skoraði 275.000 uppá kommunalt grundstykki
Løgmaður keypti grundstykki frá Tórshavnar kommunu í 2014 fyri 775.000 og seldi tað í 2016 fyri 1.050.000
Løgmaður keypti grundøkið frá Tórshavnar kommunu í 2014. Í 2016 seldi hann grundstykki aftur privat fyri munandi meira enn hann keypti tað fyri. Løgmaður tjenti 275.000 krónur uppá at eiga hetta stykki í stutta tíð.
Løgmaður keypt grundstykki, sum Skyn seldi vegna Tórshavnar kommunu. Keypsprísurin var 775.000
Í 2016 søkir Løgmaður um loyvi at selja grundstykki aftur. Tað loyvi fekk løgmaður, men ikki er greitt undir hvørjum treytum.
Í málsviðgerðini hjá Tórshavnar kommunu sæst, at sambært keypstreytunum er skylda at byggja hús innan 2 ár eftir at grundstykki er keypt.
Síðan citetera vit beinleiðis úr tilmælinum hjá umsitingini hjá Tórshavnar kommunu.
Ein av hesum er, at víðarisøla ikki er loyvd. Hetta fyri at forða fyri spekulatión í kommunalum grundstykkjum. Hetta er ein sera grundleggjandi treyt, ið eisini er vanlig í t.d. donskum kommunum.
Hvussu tað so letur seg gera at selja hetta sama stykki og stinga kr. 275.000 í egnan lumma er ivaleyst ein góður spurningur.
Upplýsingarnar um keypsprísin á 775.000 eru úr skeytinum sum vit fingu innlit í frá Tórshavnar kommunu. Upplýsingarnar um søluprísin á 1.050.000 fingu vit frá Tinglýsingini.
Vit hava sjálvandi biðið um meirinnlit.
Vit mangla enn upplýsingar fyri at skriva um talan er um skattskyldugan vinning, ella um tað er loyvt at selja við vinningi, ella at floksfelagarnir í býráðnum ella umsitingin hava givið undantak til at selja við vinningi.
Tað fara vit sjálvandi at gera so skjótt sum vit fáa innlit í tey skjølini, sum vit ikki fingu innlit í fyrstu umbøn okkara. Kommunan hevur 10 dagar at svara. Fyrsta svarið kom tó óvanliga skjótt, so vit vóna at tað gongur skjótt hesaferð.
Vit hava ikki spurt Løgmann um hetta. Vit mangla skjøl frá Tórshavnar kommunu og tá vit hava fingið tey, so spyrja vit sjálvandi Løgmann. Annars svarar hann so at siga ongantíð aftur tá vit senda honum spurningar. Hann er tó sjálvandi vælkomin at venda sær til okkum.
Mest lisið í farnu viku
Samband
Heygsvegur 8
490 Strendur