Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Fupp, fakta og tann demokratiska avbjóðingin

Innanlands | 09/01-2019 23:00

Hetta verður evnið fyri seturskjakinum 10. januar 2019, sum Søgu- og samfelagsdeildin stendur fyri.

Nøgdin av informatión hevur ongantíð verið størri enn í dag. Siðbundnir og sosialir miðlar kappast uttan íhald um at vekja áhugan hjá fólki, og fleiri lond hava samtykt lóggávu ímóti sonevndum ”fake news” og villleiðandi upplýsingum.

Men lygn, manipulatión og propaganda eru líka gomul sum menniskjan sjálv. Langt áðrenn tað bleiv modernað at tosa um ”tað post-faktuella samfelagið” skrivaði týski heimspekingurin Friedrich Nietzsche, at tað finnast ongir sannleikar – bara tulkingar. Og nýggj gransking í sálarfrøði og veljaraatferð vísir, at okkara hugburður til vísindi er treytaður av okkara lívsáskoðan, hugsjónarligu sannføringum og bólkasamleika. Úrslitið er, at tú verjir tíni sjónarmið, og eg verji míni. Tú hevur tíni ”fakta”, og eg havi míni.

Men hetta er ein demokratisk avbjóðing, tí eitt sunt demokrati er treytað av upplýstum veljarum, sum kunnu semjast um eitt felags grundarlag. Og í fleiri førum hava politiskar avbjóðingar tørv á vísindum og gransking fyri at koma fram til bestu loysnirnar. MEN

  • Hvør hevur einarætt upp á sannleikan?
  • Hvussu meta vit um trúvirðið á eini keldu?
  • Er tað yvirhøvur ein trupulleiki, at vit eru so ósamd um alt frá veiðutrýsti og veðurlagsbroytingum til grind og Darwin?
  • Hvussu navigera vit í frumskóginum av mótstríðandi upplýsingum?
  • Og hvør er leikluturin hjá universitetum, granskarum og vísindafólki?

Tiltakið er ætlað sum kjakkvøld, har fólkið fær høvi til at hoyra meira um evnið og at spyrja nærri um hetta. Lagt verður út við tveimum framløgum, sum ávíkavist Hans Andrias Sølvará og Heini í Skorini hava. Síðani verður evnið aftur viðgjørd við eitt pallborð, sum hetta kvøldið verður mannað við Eriku Hayfield, Hallberu West, Bárði Larsen, Jens Chr. Justinussen og Ragnheiður Bogadóttur. Lagt verður síðani upp til eitt kjak, har áhoyrarar eisini luttaka. Kjakið verður stýrt av orðstýrara og hetta kvøldið verður tað Kári Mikkelsen, journalistur.

Vit bjóða øllum at verða hjartaliga vælkomin á gátt hóskvøldið 10. januar. Byrjað verður kl. 19:30 og tiltakið endar kl. 21:00. Vit bjóða kaffi/te/vatn og smákøkur.

Fróðskaparsetur Føroya

 


Lagt út: Randi Jacobsen
Lýsing
Mest lisið í farnu viku
Páll á Reynatúgvu: Marine Harvest hevur frávalgt at reka flakavirkið í Skopun
BEINT NÙ À R7 radio: COUNTRY TÌMIN
Metis NÙ beinleiðis á R7 nú klokkan 13.00 til 15.00
Vespureiðrið (111) - 17. juni 2019
Stafettin (9) - Joen Magnus Rasmussen spyr Ruth Vang
Tíðindi klokkan 12
Manning á Sjóborg avhoyrd
"Kom á 2069!" (64) - 14. juni 2019
Hav Atlantic hevur spart nógva olju við eini nýggjari skipan
Við Sjóvarmálan (5) - 17. juni 2019
Prát: Virgar Dalsgaard um Merkið og Emil Joensen
Suðuroyar­tunnilin fer at kosta meira enn 3 mia. krónur
Ingolf Sólheim Olsen varð loystur úr løgtings­sessi­num fríggja­dagin
Countrytímin - Sending um Country & Blues festivalin 2019
Gerhard Lognberg: Stórreiða­rin í Klaksvík fór við fiskinum
Pauli Trond Petersen lovar "at tað skal verða heitari um kvøldar­nar í Føroyum"
Prát: Elsebeth Mercedis Gunnleygsdóttur, Jógvan Skorheim og Óluva Klettskarð um politikk í Norð­oyggjum
Moralska kumpassin
Maersk sett nýtt heimsmet við størstu lastini umborð
Metis - Øll sendingin - 18. juni 2019
Prát: Svein Rógvi Ljósstein Nielsen um at rudda plast
R7 kringvarp klokkan 13.00 til 15.00: beinleiðis sending Við Sjóvarmálan
Semir Hadzibulic er aftur bláur
Nýggi minnisvarðin í Svínoy
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi