Kekkia var ímillum teirra, ið skapti politiska søgu í 2018. Landið lá stjórnar-leyst í 8 mánaðir, men í fjør eydnaðist kekkiska miljardinginum, Andrej Babish, at skipa minnilutastjórn, ið hevur hildið.

Løgið samstarv, halda fleiri, millum flokkin hjá Babish, ANO, stytting á kekkiskum fyri “Samgonga av misnøgdum borgarum,” og kommunistaflokkin.

Ano bleiv størsti flokkur við valið í fjør og fór í samgongu við javnaðarflokkin, men tørvaði 8 tingmenn aftrat til meiriluta í tjóðartinginum í Prag. Heildur óvæntað eydnaðist Babish at fáa stuðul frá tí lítla kommunistaflokkinum við 15 tinglimum, so Ano-samgongan kann fáa meiriluta í neyðugum málum.

Ano-flokkurin er í skærari andstøðu til Brussel og ES í tilflytaramálum. Kekkia er nú millum Visigrad-londini, Póland, Slovakia, Ungarn og Eysturríki, ið eins og Italia hava brotið við ES um tilflytarar úr Miðeystri og Afrika.

Kommunistisku tinglimirnir eru uttan fyri samgonguna hjá Babish, ið afturfyri henda óvæntaða stuðul á vinstraveinginum hevur bundið samgonguna til at stuðla kommunistunum í onkrum av teirra málum, ið stjórnin kann liva við.

Kommunistarnir hava ligið uttan ávirkan (tíbetur) í Kekkia síðan floyalskollvelt-ingina í 1989, tá Jarntjaldið fall, og sosialisman við tí í Eysturevropa.

Tann “óheilaga” alliansan millum kommunistar og Ano-populistar við ríkasta milliardingi í Kekkia sum forsætisráðharra, førdi til mótmælisgongur (flestar vóru kommunistiskar) í kekkiskum býum, men misnøgdin hæsaði av.

Tað gevur rætthugsandi vesturlendingum vón, at Kekkia við 10 mió íbúgvum nú eisini hevur fingið populistiska stjórn. Meðan teir gomlu flokkarnir eru viknaðir allastaðni, so føra nevndu ES-lond við íalt 130 mió fólkum sín egna anti-islamska og anti-afrikanska tilflytarapolitikk: “0 Islam hjá okkum, takk.”