Útlendingar senda miljardir úr Danmark til síni heimlond
Kjakið herjar millum vinstrahall og borgarlig, um tilflytarar kosta sínum vertslondum pening, ella tey fremmandu við arbeiði leggja pening eftir seg.
Eisini í Danmark er ósemja. Den korte avis skrivar, at hagtøl hjá Heimsbank-anum, prógva, at tilflytarar kosta Danmark 33 mia kr netto árliga.
Men henda útreiðsla til ikki-vestligir útlendingar er bert partur av tí samlaða pengamissi, ið tilflytarar kosta donskum skattgjaldarum búskapinum árliga .
Aftrat hesum 33 mia kr koma 20 mia kr, sum tilflytarar í Danmarkhvørt ár senda familju í sínum heimlondum. Vit tosa um íalt 50 mia krónu tap p.a.
Tilsvarandi árlig tapstøl fyri Týskland eru 135 mia og fyri Bretland 68 mia kr.
Heimsbankin kunnger, at íalt senda ikki-vesturlendskir tilflytarar í framkomn-um londum, har tey búgva, $ 690 mia (= ca. 4 bill kr) heim til familju árliga.
Taka vit sum dømi allar indiskar útisetar, skrivar Heimsbankin, at tey senda 520 mia kr heim árliga, ið svarar til 2,8% av indiska BTÚ-num.
Taka vit tølini fyri dustfátæka “hálvu” oynna Haiti, fáa familjurnar hjá útlagnum haitianum $ 16,3 mia frá skyldfólki í útlondum (mest USA). Tað svarar til heili 26% av tí haitiska BTÚ-num, altso heilan 1/4 av landsins samlaða búskapi.
Nakað tað sama geldur eitt afrikanskt pesthol sum Gambia, hvørs útlagnu íbúgvar bert klára at tjena og senda 1,3 mia kr heim árliga. Men tað svarar til heili 20,4% av landsins framleiðsluvirði, skrivar danska Den korte avis.
Bert 2 mió fólk búgva í Gambia, 11.000 km2, 7 ferðir størri enn Føroyar.
Ei undur í, at gambiar sum flestu afrikanarar helst vilja búgva og arbeiða uttanlands, um tey sleppa, tí tað loysir seg bert hjá teim fæstu og mest priviligeraðu at verða búgvandi í heimlandinum, har tey ráða øllum.
Mong eru altrá eftir at javna ríkidømi millum hart skattað Vestanlond og fátæk 3-heimslond. Hesi vinstrahallu gloyma, at migrantar senda risa upphæddir, 100-tals mia kr, heim hvørt ár úr 1-heims- til 3-heimslond, har eingi virði verða skapt við íløgum og arbeiði, og enn minni kemur kúgaðu íbúgvunum til góða.
Mest lisið í farnu viku
Samband
Heygsvegur 8
490 Strendur