Venezuelskar kvinnur selja hár, sex og bróstamjólk fyri at yvirliva
Helvt av føroyingum fjeppist enn uppi í sosialismu, hóast landstýrið avtekur privata ognarrættin (higartil á sjónum) og ætlar at skerja persónsfrælsi á landi.
Í Venezuela hava tey roynt sosialismu í nøkur ár. Almenna politi- og hervaldið hevur dripið 1000-tals fólk, ið mugu lívbjarga sær við at eta úr ruskspannum. 2 mió fólk eru flýdd undan sosialismuni til Brazil og Columbia, smb Fox News.
Inflatiónin hevur gjørt venezuelska gjaldoyrað virðisleyst. Bert almennir pamparar, ið stuðla Nicolas Maduro, men ikki meiniga fólkið hava pening. Seinasta áhaldsið hjá stjórnini er gjaldoyrað “petro”, sum hvílir á landsins risa oljugoymslum, men oljuvinnan er sosialiserað og nærum givin at framleiða.
Bensin er bíligt, men skamtað, og fólk býta bensin um við vørur úr grannalondum, Brazil og Columbia. Rán henda á áljósum degi, og eitt “matvørupoliti” er stovnað, ið forðar fólki at standa í kø uttan fyri tómar handlar. Tað kemur planbúskapi út í ringt orð.
Sosialisma lærir svanga kvinnu so mangt. Fox News sigur, at venezuelskar kvinnur nú selja hár, bróstamjólk og sín kropp. Tær keypa mat, heilivág og WC-pappír fyri pengarnar. WC-pappír er meir vert enn størstu pengaseðlar.
Fólk missa holdini, skrámutar ungar kvinnur bidda við barni á armi, og menn bera skelti og við áskrivt á sum “Keypi hár”, at selja til parúkkar. Ein pápi, 35 ár, Alberto Camacho, goymir eina geit heima, sum hann roytir gras til og mjólkar, tí barnamjólkapulvur kostar $ 12 (= 3 mánaðarlønir), smb Fox News.
20.000 læknar og líka nógvir lærarar eru flýddir uttanlands. 400.000 venezu-elar hava fingið staðfest malaria (deyðilig sjúka), 10.000 bróstsjúku (TB), og 55.000 krabbasjúk doyggja, tí bert Maduro-stuðlar fáa heilsurøkt og heilivág.
Eitt sorgartekin er eisini, at fólk eru farin at jarða síni deyðu í plastikkposum, tí bert tey fæstu hava ráð til trækistur. Eisini viður trýtur í hesum tropulandi.
Tó ber til at læna líkkistu til sjálva jarðarferðina, men tá líkið skal í jørðina, verður hin deyði fluttur úr kistuni, koyrd í rusk- ella annan posa úr plastikk, og jørð verður kastað á. So verður kistan endurnýtt til næsta lík, sigur Fox News.
Mest lisið í farnu viku
Samband
Heygsvegur 8
490 Strendur