Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Øll skulu hava tak yvir høvdið

Innanlands, Lesarabrøv | 12/01-2019 14:51

Bústaðarpakkin vendir skeivt

Tað skulu vera bústaðir til øll í okkara vælferðasamfelag - alt annað er ikki nøktandi. 

Bústaðarpakkin hjá sitandi samgongu vendir sosialt skeivt og ger mismun á, tá talan er um leigumarknaðin. Privat kunnu nú leiga út fyri kr. 100.000,- skattafrítt, meðan partafeløg ikki hava hendan møguleika. Tí er vinnulívið fyri mismuni og júst teirra íkast á bústaðarmarknaðinum manglar fyri at nøkta eftirspurningin.

Fyri at fáa stórt útboð á marknaðinum av bústøðum, mugu líka kappingarfortreytir vera galdandi fyri allar aktørar, eisini tað privata vinnulívið, sum sær út til ikki at hava nakran góðan í sitandi samgongu.

Greitt uppgávu- og ábyrgdarbýtið

Tað verður tosað nógv, men alt endar við, at Bústaðir skal loysa allan bústaðartørvin. Tað kemur Bústaðir ikki at gera, men skuldi veri ein aktørur saman við øðrum, sum loysti tann meira bráddliga íkoma tørvin.

Tí er neyðugt, at man býtir upp, hvørjar uppgávur land, kommunur, fíggjarstovnar  og entrepenørar/ vinnan hava.

Landið skal levera lógarregulerandi skipanir til ymiskleikan, kommunurnar skulu útvega lendi og tað, sum har hoyrir til, meðan entrepenørar og fíggjarstovnar ávikavist byggja og fíggja. Eitt greitt uppgávu- og ábyrgdarbýtið manglar.

Tað er m.a. okkara politiska uppgáva at hava stuðulskipanir, sum gera tað møguligt hjá fíggjarliga veikum familjum, t.d. einligir forsyrgjarar við børnum at fáa íbúðarstuðul. Íbúðarstuðul til veikar samfelagsbólkar sum nevnt omanfyri, so okkara vælferðasamfelag eisini kann geva teimum ein møguleika til ein hóskandi bústað anno 2019.

Ov nógvar bindingar

Tað vísir seg, at vinnan og fíggjarstovnar luttaka ikki í byggiverkætlanum, tá álagdar verða ov nógvar bindingar útyvir tað, sum ein byggisamtykt loyvir.

At seta krøv og órealistiskar bindingar til byggisnið, útsjónd o.a., hevur við sær, at hesi krøv økja um kostnaðin á byggingini og prísurin verður hareftir.

Vit hava í dag brúk fyri øllum aktørum til sethúsmarknaðin, leigumarknaðin og íbúðarmarknaðin, eins og vit seta okkara álit á, at aðrir fíggjaraktørar fara at bjóða fígging til íbúðarbygging, lutaíbúðarbygging o.s.fr.

Eg gangi inn fyri, at tað verða føroyskar handverkarafyritøkur og byggimeistarar, sum fara at byggja - tá vita vit, hvat vit fáa.

Vit mugu ansa eftir, at vit ikki innflyta útlendskar byggineyðloysnir.

Annfinn Brekkstein
býráðslimur fyri Sambandsflokkin í Tórshavnar Kommunu


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Randi Jacobsen
Lýsing
Mest lisið í farnu viku
Páll á Reynatúgvu: Marine Harvest hevur frávalgt at reka flakavirkið í Skopun
Vespureiðrið (111) - 17. juni 2019
Metis NÙ beinleiðis á R7 nú klokkan 13.00 til 15.00
Stafettin (9) - Joen Magnus Rasmussen spyr Ruth Vang
Tíðindi klokkan 12
Manning á Sjóborg avhoyrd
Við Sjóvarmálan (5) - 17. juni 2019
"Kom á 2069!" (64) - 14. juni 2019
Metis - Øll sendingin - 18. juni 2019
Ingolf Sólheim Olsen varð loystur úr løgtings­sessi­num fríggja­dagin
Suðuroyar­tunnilin fer at kosta meira enn 3 mia. krónur
Prát við Jógvan Gregersen, stjóra á Vaðhorn Seafood.
Prát um garðdag hjá kirkju­ráð­num og um kórið Effata, sum hevur verið gospel-túr við Norrønu
Pauli Trond Petersen lovar "at tað skal verða heitari um kvøldar­nar í Føroyum"
Moralska kumpassin
Prát við Ragnar Danielsen um bók hann skrivar við øðrvísi lokalum søgum
Maersk sett nýtt heimsmet við størstu lastini umborð
R7 kringvarp klokkan 13.00 til 15.00: beinleiðis sending Við Sjóvarmálan
Maskinur­nar fluttar til Hvalba
Nýggi minnisvarðin í Svínoy
Garðdagur í barna­garði­num Lítlafløtti
Iran fyrireikar seg til at verða skuldsett fyri álop á tangaskip
Magn í Saltangará nyggja bil vaskimaskinu
Kirkjan skipaði fyri garðdegi
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi