Mándagin 21. januar byrjar ársins jazz-festivalur.

Yvir 100 tónleikarar spæla og syngja í 28 bólkum. Spælt verður á 23 konsertum á 9
spælistøðum, og festivalurin varar í 7 dagar.

“Stóra høvuðsnavnið í ár er Tórshavnar Big Band, sum er við á Vetrarjazz fyri
fyrstu ferð við eini imponerandi skrá av upprunaføroyskum tónleiki,” stendur í tíðindaskrivi frá fyrireikarunum.

Fleiri bólkar koma úr útlondum, og eisini vitja fleiri føroyskir útisetar við teirra bólkum.

Tvær útgávukonsertir og tvær barnakonsertir eru á skránni.  

Vetrarjazz er frá 21. til 27. januar.