Móttøka á Andersens Beding
Umleið 15 fólk arbeiða á bedingini.
Í sambandi við at handilin hjá Andersens Beding á Strondum er umvaldur, verður bjóðað til móttøku í handlinum fríggjadagin millum klokkan 14 og 16.
Kaffi og te verður at fáa, umframt eitthvørt søtt afturvið.
“Nógv virksemi er á Andersens Beding, har umleið 15 fólk eru til arbeiðis dagliga,” skrivar Sjóvar kommuna á síni heimasíðu. Tað er Jóhan Andersen sum eigur og rekur Andersens Beding.
Í 2016 vóru útbyggingar gjørdar á bedingini, har nýggj og stásilig høll var sett upp. Høllin bleiv tikin í nýtslu í oktober 2016, og tað var byggivirkið KBH, ið bygdi høllina. Síðani høllin er tikin í brúk, eru umstøðurnar og møguleikarnir at veita tænastur alt árið munandi betri. Av tí sama verður arbeiðið meira javnt yvir alt árið, tí nú ber til at arbeiða undir taki og tí í øllum veðri.
Alivinnan er tann stóri kundin í dag.
"Andersens Beding hevur spesialiserað seg til at veita tænastur til júst alivinnuna, og eru teir millum teir fremstu í Føroyum á hesum øki. Teir veita heildarloysnir til kundarnar og arbeiða innanfyri mestsum øll øki, herundir stál, rustfrítt, aluminium, glasfipur, aptering og el," stendur á heimasíðuni hjá Sjóvar kommunu.
Virksemið hjá Andersens Beding er staðsett við sjóvarmálan úti við Heygsstøð á Strondum.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur