Enskur professari mælir til at geva 6-ára gomlum børnum valrætt
Onkur vísmaður segði einaferð, at summi hugskot eru so burturvið, at bert ein akademikari kann hava hugsað tey ella tekur undir við teimum.
Herfyri gav Stoke High School einum 15 ára gomlum iranskum “flótta”, ið var skeggvaksin, drakk øl og hevði allodna bringu, pláss á skúlanum.
Tá fjáltrað bretsk foreldur at børnum í skúlanum átalaðu henda neyvan 15 ára gamla, kallaði rektarin tey rasistar, manna- og fremmandahatsk. Innanríkis-ráðið kannaði mál og mann, ið veruliga er 30 ár og tí vístur úr skúlanum.
Vísdómsorðini um akademikarar uttan vanligt vit og skil runnu til hugs, tá Daily Mail skrivaði, at David Runciman, professari á Cambridge, hevði skotið upp alment, at valrætturin átti av lækkast niður til 6 ára gomul.
Runciman er einki minni enn leiðandi professari í politikki og samfelagsfrøði á sínum college, Trinity Hall, í Cambridge. Professarin grundgav við, at nú er miðal aldurin á bretum so høgur, at tey yngru einki viga í politiskari umboðan í býráðum og parlamenti við 18 ára valaldri. Hann má tí lækkast.
Ákærdur fyri ábyrgdarloysi í, at óvitar velja landsins hægstu politisku umboð, umbar Runciman seg við, at eingin, hvørki 6, 10 ella enntá 16 ára gomul fara at velja sínar javnaldrar inn á ting.
Hann legði aftrat, at yngstu árgangir niður í 6 ára aldursmark eru so fáment, at miðal aldurin á politikarum fór at liggja væl hægri enn tað men eisini væl lægri enn nú við 18 ára valaldursmarki. Flestu politikarar eru eldri fólk, fleiri helst ov gomul til at umboða miðal bretan, heldur Runciman.
Professarin leggur aftrat, at okkara politiska umboðan er langt oman fyri miðal aldur á bretska fólkinum, so fólkastýrið hevur heilt skeivan bygnað.
Runciman endar sína frágreiðing við at harmast, at “Ung fólk eru als ikki umboðað í tjóðartingum í ES-londum, og at teirra áhugamál verða als ikki røkt í okkara demokratium við vanligari umboðan,” skrivar altso Daily Mail.
Mest lisið í farnu viku
Samband
Heygsvegur 8
490 Strendur