Føroyskir veðurlagsvargar mótmæla á Vaglinum í Havn kolvetni og CO2-útláti. Eitt altjóða harkalið av “granskarum”, byrokratum og politikarum, ið árliga kradda 1000-tals mia/kr frá vesturlendskum skattgjaldarum til svik og lirk um veðurlag, hava gjørt hesar ungu mótmælarar meiri í øðrviti, enn tey longu eru.

Veðurlagsøðin er heimssøgurnar størsta ræðsluherferð, síðan Pávakirkjan í miðøld uppfann “reinsingareldin”. Hann var eitt slag av logandi forgarði, ið vit syndarar máttu “forhitast” í, áðrenn vit fóru til himmals ella til helheims.

Um syndarar skuldu sleppa undan “purgatorium”, máttu vit keypa avlát frá katólsku kirkjuni, ið útskrivaði gjaldaranum eitt avlátsbræv. Tað bar altso til at gjalda sær ella onkrum skyldfólki ein skáða ella hvíld úr eldpínuni.

Á sama hátt ber nú til at gjalda heimsins klima-fascistum fleiri mia árliga, so hitin í loftrúminum kring knøttin hækkar 0,2 hitastig minni enn tey 2 hitastigini, ið jarðarhitin annars økist, siga tey, til 2100. Nøkur lond sleppa tó undan hesum CO2-avláti, t.m. Kina og India, ið spræna mest CO2-útlát upp í luftina.

Klima-fascistar (íroknað mótmælisfólkini á Vaglinum) kunnu vænta sær ótald almenn arbeiðpláss og inntøkur sum komandi CO2-eftirlit og politi.

Fylgjurnar av, at heimsins myndugleikar banna kolvetni ella skerja tað niður á støðið, tað var í 1900, t.e. í torvtíðini, tá okkara orkuframleiðsla bert hitaði, føddi, klæddi 1 mia fólk í øllum heiminum. Nú krevja vit kolvetnisfýrd sethús, skip, bilar, flogfør og ídnaðir á sjógvi og landi. Uttan tað doyggja 5 mió fólk.

Vit menniskju hava sum fremstu skyldu at gera tað, ið fíggjarliga loysir seg. Eitt nú umboðar el-orka bert 10% av samlaðu orkunýtsluni. SEV noyðist nú at gera mia íløgu í olju-orkuverkið á Sundi. Hvat við hinum 90% av orkutørvinum

Hví ikki vind-, sól-, streym-, jørð-, vatn- ella aðra varandi orku? Tað er tí, at tann einasta trygga, bíligasta og ótømandi kelda (100-tals ár) til alla orku er júst olja, gass og kol?

Farnu 20 árini hava vesturlendingar funnið fram til keldur og tøkni til at gagn-nýta bíligt kolvetni til fleiri 100 ár fram í tíðina. Tað merkir ikki, at vit skulu oyðsla kolvetni, men gagnnýta tað so bíligt, reint og skynsamt sum gjørligt.

Til tess er óneyðugt at uppfinna eina nýggja religión og gera vind, sól, vatn, streym og jarðhita til sín nýggja gud og at gera gass, olju og kol til sín nýggja satan.