Á einum rættarfundi fyrradagin vitnaði ein kolumbianskur drøggseljari, Alex Cifuentes Villa, í rættarmálinum ímóti Joaquin Guzman Loera, at hesin, kelinevndur “El Chapo”, einaferð mutraði sjálvan mexikanska forsetan, Enrique Pene Nieto við $ 100 mió (= 650 mió kr), skrivar New York Times.

Sambært vitninum Villa setti Nieto forseti seg í samband við El Chapo, og lovaði hesum tí ríka blóðdálkaða drøgglordi, at mexikanska løgreglan gavst at jagstra hann, um El Chapo gav Nieto forseta $ 250 mió afturfyri.

El Chapo beyð Nieto $100 mió afturímóti, og mexikanski forsetin tók av. Eftir tann muturhandilin læt Nieto forseti El Chapo fáa frið at handla drøgg víðari, váttaði Cifuentes Villa fyri dómarum og nevningatingi undir krossavhoyringini.

Í vitnisfrágreiðingini í rættarhølinum viðgekk Villa, at El Chapo hevði mutrað mexikanskar politi- og embætismenn við blóðpengum frá drøgghandli.

Minst 2 ferðir, segði Villa, gav drøggbarónurin mexikanska herinum millum $10 og $12 mió (= 65-75 mió kr). Fyri tað muturgjaldið keypti El Chapo sær frið fyri hermegini til at jagstra og drepa hjálparmenn hjá sonevndu Beltran-Leyva brøðrunum í einum at hansara bardøgum móti hinum harkaliðnum.

Cifuentes vitnaði, at ikki bert vendi mexikanska statsløgreglan blindu lið til drøgghandilin í Mexico og á mexikanska markinum til USA. Eina ferð hjálptu mexikanskir løgreglumenn narkohandlarum at bera fleiri kuffert full av rúseitri, hon hevði fingið fotomyndir av, úr einum ferðaflogfari úr Argentina.

Løgreglumenn tóku síðan kuffertini av viðførisbandinum og seldu rúsevnini sjálvir, skrivar The New York Times frá rættarfundi týsdagin um drøgglordar, El Chapo mutur og undanfarna mexikanska forsetan, Enrique Pena Nieto. El Chapo situr nú í USA eftir fleiri lívlangar fongsulsdómar fyri drøgg og dráp.

Donald Trump forseti roynir nú sítt ítasta at fáa Democrats, ið er størsta mafiaveldi í USA, til at játta republikansku stjórnini $ 5,6 mia til at byggja ein virkismúr móti mia drøggsmugling og ólógligari innrás úr Mexico til USA.

Ein søga sum henda um milliarda vinning av smugling úr Mexico til USA umfatar drøgglordar, menniskjahandil og topp mexikanskar politikarar. Ta er syndarligt, at Democrats nokta tvørt at játta 1/5 av 1% av fíggjarlóg USAs.