Fyri nøkrum árum síðan vísti Australia seg frá síni góðu síðu, tókti synd í nøkrum túsund sudanum og gav teim uppihaldsloyvi i landslutinum Victoria.

Australia hevur strangar lógir um tilflytarar, men tekur ímóti 150-200.000 útlendingum árliga, ið brúk er fyri. Tey skulu søkja, áðrenn tey koma til Australia. Tey, ið svika og koma fyrst til Australia, verða bannlýst fyri lívið.

Flóttarnir úr krígsrakta Sudan fluttu til býin Melbourne. Tá talið á brotsverkum øktist, noktaði løgreglustjórin, Christine Nixon, ið var politiskt útnevnd av Labour-stjórnini, at afrikansku tilflytararnar vóru orsøkin til økjandi brotsverk.

Nixon sat á og stýrdi upplýsingum um flóttar og brotsverk, tá løgreglan varð spurd og úttalaði seg alment, at sudanar og australiar vóru líka sekir.

Men borarligi ráðharrin í tilflytaramálum, Kevin Andrews, hevði snevilin av, at sudanarnir áttu størri lutfall av framdum brotsverkum, enn teir taldu av fólka-talinum, og segði, at stjórnin fór at avmarka talið av hesum tilflytarum.

Margmenta-mafian leyp á ráðharran og stjórnina saman við miðla-mafiuni, ið brúkti fúlastu ókvæmisorð til at sverta borgarligu stjórnina fyri rasismu.

Men umsíður brast bløðran. Fólk ovarliga í løgregluni í Victoria og Melbourne lóku tey sonnu hagtølini, og tá stóð tann Labour-stýrda og politiskt korrekta løgregluleiðslan spillnakin, tí tey høvdu villleitt og logið fyri almenninginum.

Stóra dagblaðið í Victoria, Herald Sun, fekk fatur á røttu tølunum, legði upp í kjakið og sópaði tann politiskt korrekta køstin við hesum upplýsingum:

Hesir sudanar umboða bert 0,11% av íbúgvunum í Victoria, men teir gjørdu 7,5% av húsainnbrotum, 6% av bilstuldrum og 14% av harðskapsránum.

Herald Sun prógvaði sostatt, at hesir “krígsflóttar” úr Sudan gera 70 ferðir fleiri lógarbrot, enn teir umboða sum lutfall av fólkatalinum í Victoria.

Labour-ráðharrin, ið tók sudanarnar inn í Australia, eitur Amanda Vanstone. Flótta-mafian hevur róst, lyft og borið Vanstone fyri hennara umsorgan og næstrakærleika móti teim neyðars “krígsofrunum” úr Afrika.

Men hampafólk í Victoria, sum eru offur fyri sudanskum ágangi, vita betur.