Ein Canadisk kanning, sum er kunngjørd í Canadian Journal of Fisheries and Aquatic Science í január 2019 sigur, at orsøkin til at toskastovnurin ikki kemur fyri seg er, at tað er at kópastovnurin er ov stórur.

Sagt verður, at kópurin ikki var orsøkin til at stovnurin minkaði, men at stóri kópastovnurin er orsøkin til at toskastovnurin ikki kemur fyri seg.

Granskingin er av toskastovninum í sunnara parti av St. Lawrence flógvanum.

Granskararnir siga, at teir hava kanna 10 ymiskar hypotesur (akademist fyri orsøkir) og tað er bara hypotesan um kópastovnin, sum sær út til at verða sannlík.

Upplýst verður at kópastovnurin er vaksin úr 8.000 upp í 100.000 frá 1960 til 2014.

Í kanningini sæst eisini at náttúrligir deyðin hjá toski sum er 5 ár og eldri er uml. 50%, sum er langt omanfyri 20% sum er vanligt at rokna við.  

Granskararnir siga, at sjálvt um øll veiða verður steðga, so verður við núverðandi gongd ongin toskur eftir í 2050

Greinin er prenta í ár, men er tó skriva í 2017

Continued decline of a collapsed population of Atlantic cod (Gadus morhua) due to predation-driven Allee effects
Rachel D. Neuenhoff, Douglas P. Swain, Sean P. Cox, Murdoch K. McAllister, Andrew W. Trites, Carl J. Walters, Mike O. Hammill
Canadian Journal of Fisheries and Aquatic Sciences, 2019, 76(1): 168-184, https://doi.org/10.1139/cjfas-2017-0190