Koyringin hjá Bygdaleiðum verður boðin út
Ein týðandi broyting í mun til seinastu útbjóðing er, at sáttmálaskeiðið verður longt úr 5 árum til 7 ár.
Strandfaraskip Landsins bjóðar nú uppgávuna út aftur at røkja Bygdaleiðir fyri komandi árini. Ein týðandi broyting í mun til seinastu útbjóðing er, at sáttmálaskeiðið verður longt úr 5 árum til 7 ár, ið er treytað av, at heimild fæst fyri hesum sambært løgtingslógini um fólka- og farmaflutning. Aðrar munandi broytingar eru, at allir bussar eftir eina skiftistíð skulu taka koyristólar, umframt at hava útgerð umborð, sum ger tað møguligt hjá ferðandi at síggja, hvar bussarnir eru staddir.
Koyringin hjá Bygdaleiðum hevur seinastu mongu árini verið rikin av privatum bussfeløgum við grundarlagi í sáttmálum, sum hava verið bodnir út alment.
Freistin at lata inn tilboð um at vera við til at røkja Bygdaleiðir er 1. mars 2019. Kunningarfundur verður 5. februar.
Mest lisið í farnu viku
Samband
Heygsvegur 8
490 Strendur