Veðurlagið:

Eitt lágtrýst, 985 hPa, liggur í ein landnyrðing úr Føroyum, og tað grynnist spakuliga. Tilhoyrandi brúgvaløg geva regn, vátasletting ella kava á norðraru havleiðunum. Seinni nærkast eitt annað lágtrýst 990 hPa, Íslandi og eitt brúgvalag haðani við regni nærkast Føroyum.

Veðurvánirnar:

Gul til frískan vind av útnyrðingi og vestri, 5 til 10 m/s. Tað verður skiftandi skýloft við kava- ella vátaslettingsælum. Hitin fer at liggja millm frostmarkið og 4 stig. Í kvøld og í nátt verður framvegis gul til frískan vind av útnyrðingi og vestri, 5 til 10 m/s. Tá verður meira skýggjað við kava og vátaselttingi, sum seinni verður vátaslettingur og regn. Hitin hækkar til 2 til 5 stig.

Veðrið í morgin:

Gul til frískan vind av vestri, 5 til 10 m/s, onkrastaðni strúkur í vindi, 13 m/s. Ættin snarar í útsynning og sunnan. Tað verður skiftandi skýloft við regn- ella vátaslettingsælum. Fríggjanáttina verður meira regn. Hitin fer alt samdøgrið at liggja millum 2 og 5 stig.

Veðrið fríggjadagin:

Andøvsgul til strúk í vindi av vestri og útnyrðingi, 8 til 13 m/s. Onkrastaðni verður uppí hvassan vind, 15 m/s, sum seint leygarnáttina snarar í norðan. Tað verður skiftandi skýloft við ælaveðri. Hitin fer alt samdøgrið at liggja millum 3 og 7 stig.

Veðrið leygardagin:

Frískur vindur til hvassan vind av útnyrðingi og norðri, 10 til 15 m/s, í løtum strúkur í vindi til skrið, 13 til 18 m/s. Tað verður skiftandi skýloft við einstøkum ælum, sum fyri tað mesta verður vátaslettingur ella kavi. Hitin fellur til millum 1 og 3 stig.

Veðrið sunnudagin:

Frískur vindur til hvassan vind av norðri, 10 til 15 m/s, sum minkar niður í gul til frískan vind, 5 til 10 m/s, og ættin snarar í útsynning. Tað verður skýggjað fyri tað mesta við ælaveðri, sum lutvís verður kavi og vátaslettingur. Hitin um dagin fer at liggja millum 2 og 5 stig, um náttina millum frostmarkið og 3 hitastig.