Um fólkatingsval hevði verið nú, so hevði andstøðan vunnið og Mette Frederiksen hevði blivið forsætismálaráðharri. Tað vísir ein nýggj meiningarkanning, sum Epinion hevur gjørt fyri Danmarks Radio.

Sambært kanningini hevði reyði blokkurin fingið 54,2 prosent av atkvøðunum, meðan blái blokkurin hevði fingið 45,8 prosent.

Undirtøkan hjá flokkunum vinstrumegin miðjuna er somikið stór, at hóast flokkurin Alternativið hevur sagt, at tey fara at peika á sín egna floksformann, Uffe Elbæk, sum forsætismálaráðharra, so kann Mette Frederiksen kortini fáa meiriluta uttan stuðul frá teimum.

Fólkatingsval skal vera í seinasta lagi í summar.