Kavin kemur aftur
Veðrið frá DMI
Veðurlagið:
Eitt lágtrýst, 990 hPa fer framvið í ein útnyrðing úr Føroyum í nátt, og brúgvaløg hagani geva okkum regn, vátasletting og kava.
Í vikuskiftinum fer eitt lágtrýst at liggja millum Føroyar og Noreg, og tað sendir okkum kalt høgættarrák við kavaælum inn yvir Føroyar.
Veðurvánirnar:
Lot til andøvsgul av vestri, 3 til 8 m/s. Ættin snarar í útsynning, og fyrst verður nakað av sól, men út á dagin verður meira skýggja. Í kvøld veksur vindurin til gul til frískan vind av suðri, 5 til 10 m/s. Tað verður skýggjað fyri tað mesta og eitt sindur av regni. Hitin fer at liggja millum 3 og 8 stig. Í nátt veksur vindurin av suðri, 8 til 13 m/s, seinni snarar ættin í vestan. Tað verður skýggjað og regn. Hitin fer at liggja millum 2 og 5 stig.
Veðrið fríggjadagin:
Vindurin minkar eitt skifti niður í gul til frískan vind av vestri, 5 til 10 m/s, men út á dagin snarar ættin í norðan og vindurin veksur til frískan vind til hvassan vind, 10 til 15 m/s. Út á náttina verður strúkur í vindi til skrið av norðri, 12 til 18 m/s. Tað verður skýggjað fyri tað mesta og løtur við regni ella ælaveðri. Hitin um dagin fer at liggja millum 3 og 6 stig, um náttina verður kaldari - millum 1 kuldastig og 3 hitastig.
Veðrið leygardagin:
Strúkur í vindi til skrið av norðri, 13 til 20 m/s við hørðum hvirlum. Út á sunnunáttina minkar vindurin. Tað verður skýggjað fyri tað mesta ella skiftandi skýloft og ælaveður. Sum frá líður verða ælini mest vátaslettingur ella kavi. Hitin fer at liggja millum 1 og 4 stig, men tað kólnar niður ímillum 2 kuldastig og 3 hitastig.
Veðrið sunnudagin:
Frískur vindur til hvassan vind av norðri, 10 til 15 m/s, sum minkar niður í gul til frískan vind, 5 til 10 m/s, og ættin snarar í útnyrðing. Tað verður skiftandi skýloft við nakað av sól ella sólglottum og bert okkurt æli, sum lutvíst verður við kava og vátaslettingi. Hitin fer at liggja millum frostmarkið og 3 hitastig. Mánanáttina verður skýggjað fyri tað mesta men turt. Tá verður kalt - millum 3 kuldastig og 3 hitastig.
Mest lisið í farnu viku
Samband
Heygsvegur 8
490 Strendur