Mentanarvirðislønir landsins vórðu í gjárskvøldið handaðar á almennum tiltaki í Mentanarhúsinum í Fuglafirði.

Til handanina vórðu tríggjar virðislønir latnar. Tær eru Heiðursgáva landsins, sum í ár varð latin Astrid Andreasen, Virðisløn til unga listafólk, sum í ár varð latin Búa Rouch, og so Mentanarvirðisløn landsins, sum í ár varð latin Bárði Jákupsson. 

Tað varð virkandi landsstýrismaðurin í mentamálum, Aksel V. Johannesen, sum handaði mentanarvirðislønirnar. 

Umframt heiðurin fær listamaðurin Bárður Jákupsson 150.000 krónur, dansarin Búi Rouch fær 50.000 krónur og listakvinnan Astrid Andreassen fær 75.000 krónur. 

Í ársins dómsnevnd sótu Katrin í Geil, Oggi Lamhauge, Knút Háberg Eysturstein, Archibald Black og Alda Joensen.