Altjóða stovnurin ST er ofta í peninganeyð, tí hann dugir ikki at húsast við teim játtanum frá limalondum, hann fær tillutað. Men nú ber av.

ST, hesin korrupti felagskapur hvørs 56 islamsku limalond og 100 armóðsbøli í 3-heimi liggja Ísrael eftir lívinum og spilla tann kristna, men enn ríka Vestur-heimin út, serliga kapitalistiska USA, ríður nú um røðina til at fara fallitt.

USA hevur higartil goldið heilan fjórðing av tí, ST kostar at reka árliga. Nú eru fleiri undirnevndir hjá ST, t.m. UNESCO, UNHRC og UNWRC, blivnar so láturligar, at meiriluti av nevndarlimunum umboða muslimsk, afrikansk o.o. 3-heimslond, ið hvørki virða manna- ella kvinnurættindi. UNESCO rænir bíbilsk fornminni í Jerusalem frá Ísrael og útnevnir Hamas og Fatah sum eigarar.

USA hevur tikið seg úr UNHRC or UNESCO, tí nevndirnar eru mannaðar við umboðum úr londum, har hvørki manna-, ognar- ella frælsisrættindi galda.

Longu mitt í 2018 rópti ST-aðalskrivarin Antonio Guterres, fv. sosialistiskur forsætisráðharri í Portugal, neyðarróp. Hann heitti inniliga á limalond um at rinda limagjald, tí ongantíð í skjótt 75 ára longu søgu felagskapsins hevur kassin verið tómur áðrenn 1. juli, so at “ST nú kjálkar upp at húsagangi.”

“Mest harmar tað meg, at heimsins limalond, ið mest treingja hjálparveiting frá ST til teirra sváru humaniteru avbjóðingar, ikki fáa stuðul frá ST,” segði hann. Hálva leið gjøgnum 2018 trutu 10 mia kr í ST-kassanum.

Hvat bagir so ST? Andøvsløtan hevur endurtikið, at í fyrsta lagi aksla tey somu londini gjaldsbyrðina í dag, sum rindaðu bróðurpartin av ST í 1945. Tey londini, ið eru ment frá fátækt til ríkidømi hesa ¾ øldina, eru lond við fríum marknaðarbúskapi, lóg og landaskili, ókorrupt og demokratisk lond.

Dastið av heimsins londum eru fongd við harðræði, heksadoktarí og islam. T.d. rindar lítla, ríka, kapitalistiska og demokratiska Ísrael ST hægri limagjald enn tey 5 frægastu muslimsku oljulondini við 10 ferðir fólkatali Ísraels. Tá USA noktar at gjalda fyri at verða hunddálkað av heimsins útskotum og meldar seg úr fleiri ST-nevndum, so má peningur tróta í ST-kassanum.

ST átti at revsa sínar kriminellu limir, um teir ikki vísa góðan kristnan moral og sømiligan atburð móti egnum borgarum og grannum, og at brúka pening rætt.