Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Jógvan við Keldu - sangurin fylti hvønn krók

Innanlands | 09/02-2019 22:30

Ein kend býar- og samkomumynd í Klaksvík rundaði triðja fjórðingshornið av eini øld seinasta mikudag, 30 januar. Talan er um Jógvan við Keldu, fyrrverandi borgarstjóra í Klaksvík og fyrrverandi kórleiðara í Betesda.

75 ára dagurin varð hildin í Betesda. Føðingardagsbarnið hevði ynskt at feira dagin sum eina sangløtu, har sangkórini í Ebenezer og Betesda luttóku í felag og eisini hvør sær. Talan var um eitt felagskór, sum taldi væl yvir 100 røddir. Jógvan gav úttrykk fyri, at tað gleddi hann ómetaliga nógv einaferð enn at uppliva bæði kórini at syngja saman.

Sangurin hjá felagskórinum í Betesda, hetta hátíðarkvøldið, ljómaði við fullari styrki út í ein fullsettan sal, og felagssangurin ljómaði út í hvønn krók í Betesda, har hundratals føðingardagsgestir sungu við av fullum hjarta.

JÓGVAN OG BETESDA
Tá løtan var komin gott og væl í helvt, segði føðingardagsbarnið nøkur orð um samkomuna í Betesda. Hann tók nakað soleiðis til, “at samkoman í Betesda er ein evangelisk samkoma, sum setur sína æru í at kunngera ein greiðan evangeliskan boðskap.” Jógvan legði dent á, at samkoman altið hevur sæð týdningin av at náa út um veggirnar í Betesda við evangeliinum. Tí bygdi man bátin Sendiboðið í sínari tíð, sum sigldi runt oyggjarnar við evangeliinum, og tí stuðlar samkoman trúboðarum, sum í dag er ein stórur skari, ið er spjaddur um allan heimin. Talið av trúboðarum, sum eru farnir út frá samkomuni í Betesda er í dag ómetaliga høgt, og Jógvan hevði gjørt sær ómak at savna myndir av øllum trúboðarunum, sum hann vísti á stórskýggja.

EINAFERÐ ENN ÚT Á DEKKIÐ
Tað vóru Henny Gerðalíð og Tóra við Keldu, dóttur Jógvan, sum leiddu kvøldið. Tá sangløtan nærkaðist endanum siteraði Henny sangstrofuna um uppilagsta skiparan, sum ynskti: “Leið meg einaferð enn út á dekkið!”  Við hesum meinti Henny óiva, at árini  síðani Jógvan gavst at stjórna Betesdakórinum kunnu sammetast við, tá ein fer av brúnni fyri seinastu ferð, og tí ynskti hon, at garvaði kórleiðarin einaferð enn skuldi verð leiddur út á “dekkið.” Við hesum orðum varð føðingardagsbarnið boði upp á pallin at stjórna stóra felagskórinum, til stóra gleði bæði fyri Jógvan sjálvan, tey í kórinum og mongu gestirnar. Jógvan er framvegis leiðari  av kórinum Seytjan Sangarar.

Eitt snotuligt sangblað var prentað til løtuna, ið var skipað sum ein skrá fyri kvøldið. Sangløtan endaði við, at gestirnir vórðu bodnir til drekka úti í rúmligu og snotuligu forhøllini, har eitt stórfingið køkuborð var sett upp.  

Kristiliga Tíðindasendingin ynskir Jógvani til lukku við degnum og Guds signing framyvir!

Kristiliga Tíðindatænastan
v/Poul Jóhan Djurhuus
gjaranes@gmail.com


Lagt út: Randi Jacobsen

Líknandi tíðindi
Lýsing
Mest lisið í farnu viku
Eg vil biðja um treytaleysa umbering
Javnaðar­flokku­rin roynir seg aftur við skeivum tølum
Hanna og Óluva býta Menta­mála­ráðið í millum sín
R7 Premier League (36) - 11. feb 2019
Prát við Sámal Hansen um "Hjálparfólka­felagið"
Nógv nebbasild í fiskinum
ST í størstu peninganeyð – fast taki teimum
FÍGGJARSTØÐAN STØÐUFASTARI  ENN LANDS­BANKIN VÍSIR Á
Prát við Jógvan Poulsen og Tóra Højgaard um politisku støðuna í USA
Fløga við Aage Samuelsen sangum á føroyskum
Ísraelsk vísinda­fólk siga seg beina fyri krabbame­ini innan 1 ár
Stóribeiggin kemur aftur
Nýggir tunlar norð um fjall - samferðslu­ætlanin hjá LV
Møtirøð í Berøa, Saltangará - spennandi vikuskifti
Viktor Orban hóttir gøtusovarar við samfelags­tænastu
Hugnaløtan (52) - Gestur: John William Joensen
Prát við Pola Mikkelsen, fyrrver­andi sjómansskúla­lærara
Stjórnin í New Dehli tikið borgararætt frá 4 mió islamum í Assam
Tíðindi klokkan 12
Myndarøð: stormur í Vági
Kina sett 1 mió fólk í “venjingarlegur”
Bróður Nikolas - framvegis á Kuba
Føroya Flokkurin stillar ikki upp
Lea Kampmann fingið gávugóðsið úr Grunni Thorvalds Poulsen av Steinum
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi