Landsfundur - kristnu virðini aðalkósin
Miðflokkurin hevði landsfund leygardagin 26. januar. Tað kom greitt fram hjá báðum tingmonnum floksins, Bill Justinussen og Jenisi av Rana, at flokkurin stendur fyri teimum kristnu virðunum, og at hetta framvegis verður aðalkósin hjá Miðflokkinum.
Jenis av Rana harmast um nýggju hjúnabandslógina, sum loyvir samkyndum at giftast: “Við hesum hevur samgongan gjørt seg inn á tað trygga kristna grundstøði,” segði Jenis.
Eitt annað, sum floksformaðurin nevndi, var tann positiva niðurgangandi strikan í fosturtøkutalinum. Hann konstanteraði, at fyri 25 árum síðani, lá fosturtøkutalið millum 80 – 90 um ári, men at talið í dag er komið niður á 19. Jenis og Miðflokkurin er ikki í iva um, at tað, at Miðflokkurin á Tingsins røðarapalli ótroyttiliga í eina hálva øld hevur varpað ljós á fría fosturtøku, hevur, saman við øðrum kreftum, so sum ProVita, heilt avgjørt verið við til at minka talið av fríum fosturtøkum í Føroyum. Jenis undirstrikaði hetta við at leggja afturat, “at tað er lív at síggja í farleiðini eftir Miðflokkin!”
Flokksstjórnin hjá Miðflokkinum undirstrikaði á landsfundinum, at í Føroyum í dag eru sterkar politiskar kreftir, sum miðvíst arbeiða fyri at gera tað ónátúrliga natúrligt og at flyta føroyska samfelagið frá teimum kristnu grundvirðunum; og fundurin var ikki í iva um, at hetta er avkristning, “og um hetta heldur fram so fer tað at forkoma okkum,” meinar floksleiðslan í Miðfokkinum.
Kristiliga Tíðindatænastan
v/Poul Jóhan Djurhuus
gjaranes@gmail.com
Líknandi tíðindi
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur