Møtirøð í Berøa, Saltangará - spennandi vikuskifti
Komandi vikuskiftið, 15. – 17. februar, verður spennandi møtirøð í Berøa í Saltangará. Tað er ungdómurin í samkomuni, sum skipar fyri. Evni á møtirøðini verður: Á ÆTTARLIÐ! GEV ORÐI HARRANS GÆTUR!
Øll trý kvøldmøtini byrja kl.19:00. Røðin byrjar við evangeliskum møti fríggjakvøldið, har Levi Joensen, Virgar Kjærbo og aðrir tala. Leygarkvøldið er eisini evangeliskt møti, og seinasta møti verður sunnukvøldið, har m.a. Karsten Hansen úr Klaksvík talar. Fríggjakvøldið verður ungdómsmøti kl.22:00 har John Færø kemur at tala.
Sangluttøka verður við John Færø, Svein í Prestgarði og Filip Rajani Hansen
BÍBLIUTÍMAR
Leygarmorgunin kl.10:00 verður skipað fyri tveimum bíbliutímum. Tað verða Jens Bech av Skála og Ragnar Ludvig úr Klaksvík, ið koma at undirvísa í Timoteusarbrøvunum. Leygardagin og sunnudagin, báðar dagarnar kl.16:00, verða uppbyggingarmøti, har Pætur Hansen, Áron á Roykheyggi og aðrir koma at tala.
TALARAR
Fyrireikararnir eru farnir víða, tá teir hava valt úr tilfeinginum av talarum. Ikki færri enn 17 talarar í alt eru lýstir á skránni, sum koma bæði úr Suðuroy, Tórshavn, Eysturoynni og Klaksvík.
Fyrireikararnir siga, at teir ynskja at síggja fólk úr øllum støðum, og at øll eru hjartaliga vælkomin. Millum møtini sunnudagin kl.16:00 og kl.19:00 verður bjóðað til nátturða í kjallaranum í Berøa, har øll eisini eru vælkomin.
Kristiliga Tíðindatænastan
v/poul jóhan djurhuus
gjaranes@gmail.com
Mest lisið í farnu viku
Samband
Heygsvegur 8
490 Strendur