Á facebook skrivaði Hjalmar Zachariasen tann 12.februar soleiðis um Føroyaflokkin.

Føroyaflokkurin fer í dvala

Av tí at tað tekur ov nógva orku at skipa ein flokk einsamallur, so skal eg hervið boða frá, at Føroyaflokkurin fer í dvala.

Eg haldi framvegis at tað er tørvur á einum veruligum liberalum flokki í Føroyum, tí at allir aðrir flokkar arbeiða fyri sentralari planlegging. Vald og pengar skulu savnast á einum staði, so at nøkur útvald kunnu útføra sínar persónligu verkætlanir.

So er spurningurin, um Kannabisflokkurin er ein so liberalur flokkur, sum ætlanin var við Føroyaflokkinum. Tað fáa vit at síggja í komandi tíðum.