Hvørja ferð, Trup forseti ger rætt, kóka hansara mongu hatarar í illsinni, 80% av heimsins miðlum tiga tað burtur og leita nýggj ella gomul falstíðindi fram til at dálka hann út, tí hann er hvítur, gamal, hinskyndur og/ella konservativur.

Nú gjørdi ein fyrrv. norskur forsætisráðharri Jens Stoltenberg ta ófyrigevandi deyðsynd at rósa Dunaldi Trump í heimspressuni fyri at hava verið eitt mannfólk. Stoltenberg er sum kunnugt verandi NATO-aðalskrivari.

Síðan hann gjørdist amerikanskur forseti, hevur Trump fleiri ferðir deilt stjórn-arleiðararnar í NATO-londum fyri, at teir hava forsømt at rindað sín lutfalsliga part av limagjaldinum til NATO, men latið USA borið dastið av fíggjarbyrðini. NATO-lond hava bundið seg til at gjalda minst 2% av BTÚ til egnu verju, men tey flestu hava rindað væl minni enn tað sáttmálabundna gjaldið.

Nú segði Stoltenberg miðlunum, at eftir umgangin frá Trump hava NATO-lond bundið seg til at gera $ 100 mia (= 600 mia kr) eyka íløgur í verjufelagskapin. “Hetta eru av sonnum góð tíðindi,” segði hann, og Trump takkaði honum við at brúka orðingina: “Hetta kann kallast at bera byrðina saman,” segði Trump.