- Reiðaríið keypti skipið úr Grikkalandi í fjørheyst og í september var tað yvirtikið og siglt til Póllands. Har hevur tað fingið eina stóra yvirháling. Motorurin og lastalúkurnar eru høvuðsumvæld, og so er ein nærum nýggj gravmaskina sett í skipið, so tað nú er ein sokallaður sjálvlossari. Hóast nógv er gjørt við skipið, sum nú er í góðum standi, so er kortini okkurt smávegis eftir at gera enn.- Tað sigur skiparin á Hav Saga, Jóhan Petur Olsen.

Í gjár lá Hav Saga hjá reiðarínum Frakt - og Sand í Runavík, á Kollafirði og lossaði sand til Landsverk.
Star Saga er níggjunda og nýggjasta skipið í flotanum hjá reiðarínum. 
Hetta er aðru ferð, skipið er í Føroyum, síðani tað fór í vinnu 23. januar.

-Hav Saga er systurskip við Hav Nes, Hav Skandic og Hav Nordic. Hetta eru góð skip, hóast tey eru bygd fyrst í 1990unum. Hav Saga er bygd í 1990 og er tað elsta av teimum. Skipið er 75 metrar langt og 12,75 metrar breitt. Motorurin er ein Bergen Diesel á 2000 HK, sigur Jóhan Petur.

Í morgun fór Hav Saga til Dalvíkar í Íslandi eftir hoyggi til Noregs. Sjey mans eru við Hav Sagu.

Sjómanstrúboðarin vitjaði umborð í gjár og heilsaði uppá manningina.

Teimum umborð á Hav Sagu og sjófólkunum annars verður ynskt Guds signing og varðveitslu.

Sjómansmissiónin ynskir eigarunum til lukku og Guds signing við skipinum.
 

kelda: https://www.facebook.com/sjomansmissionin