Í USA doyðu 72.000 fólk (50% fleiri enn búgva í Føroyum) í fjør av yvirdosu av drøgg. Íalt 350.000 hava látið lív farnu 10 árini av somu ávum. Tað svarar til allar íslendingar. Í Bretlandi 14.500 fólk innløgd á sjúkrahús orsakað av misnýtslu av drøggsløgum sum kokain og crack, skrivar the Guardian. Tað er 3-falding bert síðan 2008, smbr hagtølum frá NHS. Vøksturin skyldast lutvíst reinari og størri mongdum, tískil bíligari, kokain úr serliga Columbia. Mis-brúkarar fáa meiri virknað fyri pengarnar, men tey taka eisini meiri drøgg.