Russiski andstøðingurin Alexei Navalny fekk herfyri viðhald í ES Mannarætt-indardómstólinum í Strassbourg, ið dømdi Vladimir Putin til at endurgjalda Navalny, sínum best gitna mótvalevni, 400.000 kr fyri tort og sviða. Rætturin dømdi, at Putin við politiskari ætlan hevði latið Navalny handtika og fongsla 7 ferðir millum 2012 og 2014 við tí endamáli at forða fleirflokkastýri í Ruslandi.

Navalny sat fongslaður 4 mánaðir í fjør í Ruslandi, har ein russiskur dómstól-ur tók valbærið frá honum, so hann er ikki sloppin at stilla upp móti Putin.

Um Putin rindar Navalny ta av ES-rættinum áløgdu sektina, er ivasamt, hóast russiski forsetin hevur ráð til tess sum ein av heimsins 2 ríkastu monnum.