Stríð í París millum húsaleigarar og hotell móti útleigarum til Airbnb
Ein dómstólur í París hevur dømt ein persón, ið sjálvur hevur langtíðarleigað eina íbúð í franska høvuðstaðnum, men framleigað hesa leiguíbúð til ferðafólk ígjøgnum Airbnb. Rætturin dømdi framleigaran at gjalda eigaranum 46.000 evrur, ið hesin hevði mist í 7 ár, um hann sjálvur leigaði stutt til Airbnb.
Konan, ið eigur íbúðina, dró sín leigara í rættin, tá hon sá, at hennara íbúð uttan sítt loyvi ella samtykki stóð lýst alment til leigu í Airbnb.
Frakland er størsti marknaður hjá Airbnb næst eftir USA. Sum aðrir stórbýir hevur Paríð tikið stig til at avmarka frítíðarútleigu til touristar, tí stutttíðarleiga trýstir leiguprísirnar so høgt upp, at býarfólk hava ikki ráð til at leiga sær býli.
Harnæst hevur privat Airbnb frítíðarleiga í túsundtals íbúðum verið so stórur kappingarneyti hjá gistingarhúsum, at hotellvinnan er í vanda. Lata hotellini aftur í stórum tali, so dettur ferðavinnan, sum hon hevur virkað, fyri bakka.
París hevur tí kravt, at allir útleigarar gjøgnum Airbnh lata seg skráseta, so teirra inntøka frá stutttíðar útleigu kann vera skattakyldug sum gistingarhús eru, og so at myndugleikarnir kunnu áseta eitt tíðarmark á Airbnb útleiging.
Øll privat útleiging til eitt nú Airbnb er avmarkað til 120 dagar um árið. Í fjør fekk París 10 mió kr í bótum frá óløgligum útleigarum. Tey, ið brutu max 120 daga regluna ella lótu seg ikki skráseta, guldu í miðal 80.000 kr í sekt.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur