Írland hevur tendrað grønt ljós fyri gudsspottan
65% av írum atkvøddu fyri og bert 35% ímóti í eini fólkaatkvøðu um at broyta grundlógina, so hon ikki longur bannar gudsspottan. Hetta er hin seinasta av fleiri fólkaatkvøðum, ið hava staðfest fleiri sosialar broytingar, íroknað lógir um samkynd hjúnalag og fosturtøku í hesum samfelag, har Katólska kirkjan hevur havt stórt vald á mongum økjum.
Annars hava muslimar í ES kært fleiri mál inn fyri Mannarættindardómstólin í Strassburg, tí anti-islamar hava kallað Mohammed profet pedofil, tí hann giftist eini 9 ára gamlari gentu. ECHR megnar ikki at taka støðu til málið.
Í Írlandi bíðar ein fólkaatkvøða um sosiala broyting, tí politisku flokkarnir í Dail í Dublin eru ósamdir, um kvinnunar leiklutur primert skal vera sum barna-, hús- og matmóðir ella á arbeiðsmarknaðinum javnbjóðis manninum.
Fólkaatkvøðan um blasfemilógina var samstundis sum val av forseta í Írska Lýðveldinum. Michael D. Higgins varð afturvaldur. Tað var fyrstu ferð, at stríðsval var um írska forsetasessin, ið er formligur og ikki útinnandi.
Tað áhugaverda við forsetavalinum var, at eitt valevni, Peter Casey, hevði í síni valskrá at banna framíhjárætt hjá sonevndu “Travellers” (fyrr “Tinkers”, nú er politiskt ókorrekt), ið er eitt slag av vallarum, “sigoynarum”, ið njóta serstøðu sum “minnluta fólkaslag”, og telja uml. 30.000. Fleiri búgva í UK.
Travellers hava verið til ástoyt, tí tey hava havt frítt at fara inn og út á privatari jørð, uttan mun til um lendiseigarar játta ella sýta teimum atgongd.
Casey fór úr 2% upp í 23% í undirtøku frá fyrst til síðst í valstríðsnum, tí hann sló nevan í borðið, at Travellers eru ikki serskilt fólk, men rekavætti, ið taka sær og fáa enntá alment loyvi til at seta vognar og tjøld á annara manna jørð.
Tað ljóðar, sum politiskt ókorrektir populistar eisini fáa undirtøku í Írlandi, ið sum nevnt hevur havt politiskt korrekt fleirtal fyri fleiri sosialum broytingum.
Mest lisið í farnu viku
Samband
Heygsvegur 8
490 Strendur