Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Tað er munur á at spæla matador á Oyrarsundi og at dríva fiskivinnu í Føroyum

Lesarabrøv, Politikkur | 10/03-2019 20:00

Har ein skriða er lopin er onnur væntandi, so sigur gamla orðatakið og má tað ásannast hjá okkum fiskimonnum ið enn balast undir Føroyum.

Eg bleiv púrasta fyri ongum tá ið eg hoyrdi formannin í búskaparráðnum úttalað seg í Degi & Viku í gjár. Hann ætlar at selja botnfiskin á uppboðssølu.Tað er heilt óskiljandi at so væl lærd fólk skulu verða so bláoygd og snævurskygd at tey halda at tað kann bera til.
ei Djóni; svarið er ikki at leggja enn størri byrðar á fiskivinnuna, men heldur at tálma almennu útreiðslunum.

So sigur hann at fiskidagaskipanin ikki virkar og vit brúka nógv meiri dagar enn tilmælt/gott er. Viðheft sendi eg eina talvu ið vísir at vit altso ikki brúka meiri dagar enn tilmælt er.
Fiskidagaskipanin riggar serstakliga væl. Vinnan brúkar mest sum altíð somu dagar sum tilmælt er, men Løgtingið samtykkir fleiri ferðir teir dagar ið brúk er fyri, tí at tað eru so nógvir ” skuffudagar”. Hesir dagar verða ikki brúktir.

Liggur ikki ein fjald agenda í hesum? 
Er sannleikin ikki tann, at akademiska fjøldin er somikið stór at ikki er ráð til at gjalda teimum størri løn enn tær áleið 400.000 krónurnar árliga og tað nívir at fiskimaðurin skal forvinna meir enn tað?
Og tað er hann sjálvandi ikki verdur, hesin ólærdi meinigi maðurin. Hvat arbeiðið liggur aftan fyri er líkamikið.

Er ætlanin ikki bert at fáa fiskimannin niður um akademisku lønina og so skít við rest?

Virðingin fyri fiskivinnuni og teimum í henni virka, er so lítil í dag at ungdómar ikki koma sær at fara tann vegin.
Og tá ið nú lønirnar skulu gerast lægri enn miðallønin á landi er allur áhugi fyri fiskivinnuni køvdur.

Við hesi gongdini kunnu vit vænta at ongin føroyskur dekkari er í vinnuni innan heilt fáa ár.

Vit hava reypað okkum av øllum teimum føroysku skips yvirmonnunum ið vit hava útflutt ár um ár, og hvørs umdømi er fantastiskt. Allir heimurin rópar eftir føroyskum yvirmonnum og vilja fegin gjalda meir fyri teir.

Fiskivinnan er tann ið hevur verið oskmjólkin hjá hesum monnum.
Tá ið vit gevast við at ala slíkar menn og eru farnir yvir til akademiskar skips yvirmenn ið bert kenna til tøl og stavir og als ongan sjómansskap.
Tá eru vit sum land liðug við at útflyta vælumtóktar yvirmenn og so standa vit flott við skegginum í postkassanum.

Støðan er ikki bara ring, hon er beinleiðis hættislig.
Halda somu fólkini fram eftir komandi val er deyðin í durinum.
Men tøkk fái sushi matstovurnar at tær hava vant føroyingin við smakin av tara, tí hann verður høðvus kostur um tey ið stýra í dag verða aftan fyri róðri í næsta skeiði.

Jóhan Eli Poulsen
Skipari/Valevni fyri Fólkaflokkin

 


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Randi Jacobsen
Lýsing
Mest lisið í farnu viku
Fakta kekking av Ingolf S. Olsen
Allan Samuelsen: Country & Blues festivalu­rin hevur vind í seglini
Magnus Heinason gjørdi bummtúr eftir toski
Vespureiðrið (100) - 18. mars 2019
Cruise­skip við 1300 fólkum í havsneyð 1-2 sjómíl frá norsku strondini
Tí eigur onkur at steðga verandi ætlanum, áðrenn stórskaðin hendir.
Flaggdagin 2018 var tøki peningur lands­kassans negativur
Komið øll við (4) - Gestur: Mikkjal Hvannastein - 21. mars 2019
Prát við Rigmor Dam, fyrrv. mentamála­ráð­harra
Dómadagsmiðlar og politikarar siga eitt, veruleiki sigur annað
Jógvan Skorheim vísir aftur øllum ákærunum frá Rógva Fossadal
Samkynda forkvinnan hjá skotsku konservativu júst fingið barn
Hvast orðaskifti á tingi um Lands­bankan
Stóra plastruddingin í Kyrrahavi­num er steðgað
Normenn fingu rættuliga stóran tosk
Louisa Joensen rópar varskó, meðan hon ansar føroysk ross í 47 m/­s
Botnurin er lagdur fyri árið
Tey villfremmandu halda fram at floyma yvir Bretland
VÍF - H71 endaði við 33-22
Hjálparfólka­felagið og Betri hava kunningarfund
Fyrsta flagið er loyst fyri eini risastórari verkætlan við eigaraíbúðum í Vesturbý­num í Havn
Italska stjórnin lagt ræðandi uppskot til fíggjar­lóg fram
Prát við Jóhan í Niðristovu, um vindmyllur
Nógvar 100-tals milliónir oyramerktar til okkara heilsuverk hvurvu
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi