Country -& Bluesfestivalurin nærkast og fyrieikingarnar eru í gongd. Til festivalin í 2018 stóð ein heilt nýggj nevnd fyri tiltakinum, tó vóru nøkur roynd fólk eisini við.

Allan Samuelsen, sum er ein av fyrireikarunum, sigur, at seinasti festivalurin eydnaðist nógv betur enn nevndin hevði droymt um. Atgongumerkja sølan gekk avbera væl og kampingplássini vóru útseld langt undan festivalinum. 

Einki er sum glaðir festivalgestir. Tað er júst tann stemningin sum vit royna at fáa aftur á Sørvágs Country- & Bluesfestival í ár, sigur hann. 

Vit fóru beinanvegin aftaná festivalin í 2018 at leita eftir tónleikarunum at spæla til festivalin í ár. Higartil eru hesi nøvn komin á listan, Sarah Jory, Danny Hendriks & Band, Hans Jacob Hjelm við bólki, Ólavur av Váli og Fourmenn, Jens Lisberg, Ben & Noel Haggard, Hallur Joensen og Signar í Homrum við bólki. 

Eldratiltakið: Aftur í ár verður skipað fyri tí vælumtókta eldratiltakium tann 12. og 13. juni. Tað eydnaðis ómetaliga væl seinast. Tiltakið fer fram í fimleikarhøllini í Sørvágs skúla. Systkini á Løgmansbø undirhalda við tónleiki. Tað verður helst møguligt við einum 'sving om'. Oddmar Ravnsfjall fer at hugleiða um eldri dagar, sigur Allan Samuelsen.

Allan leggur aftrat, at um onkur hevur hug at selja okkurt á festivalinum, eittnú heimagjørt av einhvørjum slag, so er tað enn ein møguleiki. 

Vit mugu bara gleðast um, at vit hava vind í seglini, leggur hann aftrat.