Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Nýggjur kolavegur í Hvalba

Innanlands, Lesarabrøv, Politikkur | 11/03-2019 11:00
Mynd: Hergeir Nielsen

Frálíka frágreiðingin hjá hvalbingum, sum Róin Schrøter bar fram, varð nevnd, men ikki meiri enn tað. Skilligt er, at stovnurin roynir at tiga hana burtur

Landsverk fekk síni sjónarmið ígjøgnum á sunnudagsfundinum í SALT, og stovnurin var ikki komin norður um Dalsfles, tá litaða fundarfrágreiðing stovnsins stóð í miðlunum.

Frálíka frágreiðingin hjá hvalbingum, sum Róin Schrøter bar fram, varð nevnd, men ikki meiri enn tað. Skilligt er, at stovnurin roynir at tiga hana burtur

Skilagóðu sjónarmiðini hjá hvalbingum um at leggja ein framtíðartryggjaðan tunnil í neðra kundu ikki rekast aftur, men hildið varð kortini fast um ein fortíðartryggjaðan tunnil uppi í kavaroki og ísi, tí hann var komin áleiðis, og var so nógv styttri og nógv bíligari.

Líka so frálíki fyrispurningurin frá Kristiani Stórhamar verður heldur ikki nevndur. Her váttaði Landsverk, at teir einans høvdu kannað fjallið, har teir leggja hendan nýggja kolavegin.

Sjálvandi tí, at hetta var bíligasta loysnin, nú 150 mió.kr. skuldu brúkast til ”innkomuvegir” í Tórshavnar og Runavíkar kommunum, sum landsstýrismaðurin longu hevur lagt á tingborð.

Her suðuri um okkara leiðir lærdu vit nógv av Hovstunlinum, har vit tóku bæði linjuføring og fígging úr hondunum á landsstýrismanninjum, ið tá sat.

Tá spardu vit burtur tvær longri autostradur niðan móti Hovstúgvuni Øravíkar- og Hovsmegin, og vit fingu landsins besta tunnil við einum hanagleivi av til- og frákoyringarvegum báðumegin við.

Totala ørskapinum hjá landsins verki og stýri lærdu vit nógv av her suðuri, men í Havn hvørki skiltu ella lærdu tey nakað sum helst.

Váttað varð av landverki, at fyrst gjørdi man av, hvar nýggi kolavegurin skuldi liggja, og síðan fór man at leita eftir rivum í klettinum, sum man kortini kom framá, tá ið borað verður. Forkanningarnar vóru soleiðis komanar undir land, og klárt var at fáa ein landsstýrismann at skjóta ein vátan kinesara niðri í Slokkunum úti í Nesi.

Nú Føroyar eru stórsti CO2 syndarin í heiminum pr. capita varð sóknast eftir CO2 roknskapinum, nú ein tunnil varð lagdur 100 óneyðugar metrar uppi, har 2- 3- 400.000 bilar ella tons, skuldu lyftast upp um árið, men har var einki svar.

Tað er tíverri so pínligt, at almenni myndugleikin als ikki nevnir CO2 við einum orði, hvørki í málinum um Hvalbiartunnilin ella í Samferðslufrágreiðingini, sum kemur til aðalorðaskiftis á tingi nú mánamorgunin.

Føroyar floyta tíverri á skil og fundvísi og á, at landið er heimsins stórsti CO2 syndari.

tað skrivar hergeir Nielsen á facebook vanga sínum.


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Birgir Waag Høgnesen
Lýsing
Mest lisið í farnu viku
Fakta kekking av Ingolf S. Olsen
Allan Samuelsen: Country & Blues festivalu­rin hevur vind í seglini
Magnus Heinason gjørdi bummtúr eftir toski
Vespureiðrið (100) - 18. mars 2019
Cruise­skip við 1300 fólkum í havsneyð 1-2 sjómíl frá norsku strondini
Tí eigur onkur at steðga verandi ætlanum, áðrenn stórskaðin hendir.
Flaggdagin 2018 var tøki peningur lands­kassans negativur
Komið øll við (4) - Gestur: Mikkjal Hvannastein - 21. mars 2019
Prát við Rigmor Dam, fyrrv. mentamála­ráð­harra
Dómadagsmiðlar og politikarar siga eitt, veruleiki sigur annað
Jógvan Skorheim vísir aftur øllum ákærunum frá Rógva Fossadal
Samkynda forkvinnan hjá skotsku konservativu júst fingið barn
Hvast orðaskifti á tingi um Lands­bankan
Stóra plastruddingin í Kyrrahavi­num er steðgað
Normenn fingu rættuliga stóran tosk
Louisa Joensen rópar varskó, meðan hon ansar føroysk ross í 47 m/­s
Botnurin er lagdur fyri árið
Tey villfremmandu halda fram at floyma yvir Bretland
VÍF - H71 endaði við 33-22
Hjálparfólka­felagið og Betri hava kunningarfund
Fyrsta flagið er loyst fyri eini risastórari verkætlan við eigaraíbúðum í Vesturbý­num í Havn
Italska stjórnin lagt ræðandi uppskot til fíggjar­lóg fram
Prát við Jóhan í Niðristovu, um vindmyllur
Nógvar 100-tals milliónir oyramerktar til okkara heilsuverk hvurvu
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi