Menna gransking innan krabbamein í Føroyum
Marnar Fríðheim Kristiansen, lækni, er farin undir eina Ph.D. verkætlan innan hetta økið.
Er sambandi ímillum krabbamein og aldur, bústað, og sosialar umstøður? Millum annað tað verður kannað í eini Ph.D. verkætlan, sum Marnar Fríðheim Kristiansen, lækni, fór undir tann 1. mars.
Endamálið við ætlanini er eisini yvirskipað at lýsa krabbamein í Føroyum og at kanna, hvussu sjúkan rakar einstakar familjur. Krabbamein hjá børnum verður eisini sett frammarlaga í verkætlanini, og endamálið við tí er at gera eina yvirskipaða lýsingina av barnakrabba og at gera serstakar kanningar innan hetta økið.
Verkætlanin strekkir seg yvir 3 ár, og er eitt samstarv millum Fróðskaparsetur Føroya, Landssjúkrahúsið og Ílegusavnið. Team Rynkeby, Krabbameinsfelagið og Sjúkrakassagrunnurin stuðla verkætlanina.
“Hetta er fyrsta stig í eini størri ætlan við at menna gransking innan krabbamein í Føroyum, og at fáa eina savnandi granskingarstrategi innan hetta økið,” stendur á heimasíðuni hjá Krabbameinsfelagnum.
Mest lisið í farnu viku
Samband
Heygsvegur 8
490 Strendur