Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Norðlysið: Etableraðu flokkarnir síggja Framtakið sum eina hóttan

Innanlands | 14/03-2019 11:00

Blaðið Norðlysiði skrivar m.a í oddagrein í gjár "Tí avmonteringin kann eisini sláa bakk og siga veljarunum, at tá Framtakið fær sín vilja uttan yvirhøvur at vera á tingi, hvat kann hann so ikki fáa framt við at vera tað? - les alla oddagreinina niðanfyr"

17 undirskriftir eru savnaðar inn fyri at leggja uppskot fram um at loyva medisinskum kannabisi í Føroyum. Hetta hendir bert fáar vikur eftir, at Hallur H. Djurhuus, Arnfinn á Birtuni og Hjalmar Zachariassen lótu 802 undirskriftir inn til Heilsu- og Innlendismálaráðið um at seta á stovn nýggjan politiskan flokk, Lista K: Framtakið fyri rættinum at velja kannabis. Onki er at ivast í, at lógaruppskotið er orsakað av tí.

Norðlýsið skilir á keldum í politisku skipanini, at munandi fleiri enn bert teir 17 neyðugu vóru til reiðar at skriva undir, og at orsøkin er, at tingfólk vilja trekkja tenninar úr Framtakinum við heilt einfalt at geva teimum tað, tey vilja. Sleppur Framtakið ikki inn, kunnu verandi flokkar eisini fyribyrgja, at Framtakið fer í holt við eina glíðibreyt at legalisera kannabis uppaftur meira.

Spurningurin er, um tað ikki er ov seint. Kanska politikararnir ikki hava trúð uppá, at flokkurin fór at fáa tær 800 undirskriftirnar, men um lóguppskotið varð lagt fram áðrenn, so kundu tey helst ávirkað undirskrivararnar til at halda, at tað ikki var neyðugt við einum flokki fyri kannabis. Men nú flokkurin er góðkendur, fer hann neyvan at taka uppstillingina aftur.

Hesin lítli flokkurin hevur staðið í vøkstri síðani. Fyrsti maður á listan aftaná stovnararnar báðar var Hjalmar Zachariassen, ið er ein tann ídnasti talsmaðurin fyri at gera nýggjar Tunlar Norður um Fjall. Fyrsta kvinnan á listanum var Rebekka Vestergaard úr Suðuroy, ið vil arbeiða fyri at bøta um bústaðarneyðina í Føroyum. Og nú er líkt til, at politikararnir hava fingið eyguni upp fyri, at hetta er meira enn ein einkultmálsflokkur í stíl við Miðnámsflokkin á sinni.

Høvuðsorsøkin til reaktiónirnar er uttan iva, at ein veljarakanning herfyri gav Framtakinum eitt umboð. Ikki eitt hvat sum helst umboð, men sjálvan 17. mannin. Sitandi samgonga stóð til at fáa 16, andstøðan 16 og nýggi flokkurin 1. Hetta valskeiðið, vit eru í nú, hevur meira enn nakað annað víst, at tað í eini tíð við sterkt víkjandi floksdisiplin liggur sera stórt vald í tí at vera nummar 17. Fær Framtakið tað mandatið, kann tað í grundini krevja hvat sum helst. Bæði loysn á bústaðarneyðina, tunlar Norður um Fjall og avkriminalisering av kannabis.

Tað er í hesum ljósinum, at etableraðu flokkarnir síggja Framtakið sum eina hóttan. 17. mandatið hevur kostað sitandi samgongu dýrt, og andstøðan hevur sjálvandi eygleitt tað og veit, at eisini hon noyðist at gera dýrar rossahandlar á hvørjum ári fyri at varðveita valdið, skal hon hava tann seytjanda umborð.

Tí er líkt til, at teir verandi politisku flokkarnir hervið eru gingnir saman um at royna at køva Framtakið í føðingini. Við heilt einfalt at lata teirra potentiellu veljararar fáa tað, teir vilja hava, so at tað ikki skal vera neyðugt at velja Framtakið longur.

Um vit fara at síggja líknandi royndir at avmontera Framtakið innan meira kostnaðarmiklu økini so sum viðvíkjandi tunlunum og bústaðarneyðini, kann bara tíðin vísa. Spurningurin er eisini, um Framtakið í heila tikið missir nakað av hesum. Tí avmonteringin kann eisini sláa bakk og siga veljarunum, at tá Framtakið fær sín vilja uttan yvirhøvur at vera á tingi, hvat kann hann so ikki fáa framt við at vera tað?

 

skrivar nordlysid.fo í gjár 


Lagt út: Birgir Waag Høgnesen
Lýsing
Mest lisið í farnu viku
Fakta kekking av Ingolf S. Olsen
Allan Samuelsen: Country & Blues festivalu­rin hevur vind í seglini
Magnus Heinason gjørdi bummtúr eftir toski
Vespureiðrið (100) - 18. mars 2019
Cruise­skip við 1300 fólkum í havsneyð 1-2 sjómíl frá norsku strondini
Tí eigur onkur at steðga verandi ætlanum, áðrenn stórskaðin hendir.
Flaggdagin 2018 var tøki peningur lands­kassans negativur
Komið øll við (4) - Gestur: Mikkjal Hvannastein - 21. mars 2019
Prát við Rigmor Dam, fyrrv. mentamála­ráð­harra
Dómadagsmiðlar og politikarar siga eitt, veruleiki sigur annað
Jógvan Skorheim vísir aftur øllum ákærunum frá Rógva Fossadal
Samkynda forkvinnan hjá skotsku konservativu júst fingið barn
Hvast orðaskifti á tingi um Lands­bankan
Stóra plastruddingin í Kyrrahavi­num er steðgað
Normenn fingu rættuliga stóran tosk
Louisa Joensen rópar varskó, meðan hon ansar føroysk ross í 47 m/­s
Botnurin er lagdur fyri árið
Tey villfremmandu halda fram at floyma yvir Bretland
VÍF - H71 endaði við 33-22
Hjálparfólka­felagið og Betri hava kunningarfund
Fyrsta flagið er loyst fyri eini risastórari verkætlan við eigaraíbúðum í Vesturbý­num í Havn
Italska stjórnin lagt ræðandi uppskot til fíggjar­lóg fram
Prát við Jóhan í Niðristovu, um vindmyllur
Nógvar 100-tals milliónir oyramerktar til okkara heilsuverk hvurvu
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi