Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Yvirgangsatsókn í New Zealandi

Uttanlands | 15/03-2019 09:05
Hesin maðurin sigur seg standa aftanfyri atsóknina.

49 fólk lótu lív, tá ein maður fór at skjóta inni í eini mosku.

Løgreglan í New Zealandi upplýsir, at 49 fólk eru dripin í einum álopi í Christchurch, stutt fyri middag, lokala tíð.

Hendingin fór fram stutt eftir at fríggjadagsbønin byrjaði í Al Noor-moskuni, og sambært eygnavitnum kom ein maður inn í moskuna og byrjaði at skjóta rundanum seg.

Eitt eygnavitni sigur, at fleiri fólk lógu særd á gólvinum í moskuni, tá hann rann út. Fleiri enn 200 fólk skulu hava verið inni í moskuni, tá skjótingin byrjaði.

Gerningsmaðurin hevur skrivað eitt manifest

Ein 28 ára gamal, víðgongdur australskur maður er handtikin í sambandi við atsóknina. Maðurin hevur skrivað tað sum fleiri miðlar kallar eitt 73 síður langt manifest, har hann sigur, at hann millum annað vildi hevna yvirgangsatsóknina í Stockholm í 2017, tá ein lastbilur koyrdi inn í eina gongugøtu, har fimm fólk lótu lív. Hann vísir eisini í skrivinum til fleiri aðrar yvirgangsatsóknir í Europa, og sigur seg stúra fyri øktu tilflytingini og fallandi burðartølum í vesturheiminum.

Maðurin gevur ábendingar um, at hann hevur havt samband við norska hópdrápsmannin, Anders Behring Breivik, men hann sigur annars, at hann ikki hevur samstarvað við onnur. Hann sigur seg hvørki vera nazist ella antisemitt, og hann sigur seg vera úr eini arbeiðarafamilju við lágari inntøku, har hann hevði vanlig barnaár, sum vóru uttan stórvegis trupulleikar.

Hann skrivar eisini, at hann ongantíð hevur verið serliga áhugaður í skúla og útbúgving, og at hann ikki hevur tikið nakra hægri útbúgving.

Ein av myrkastu døgunum í søguni

Jacinda Ardern, forsætismálaráðharri í New Zealandi, sigur, at hetta er ein av myrkastu døgunum í søguni hjá New Zealandi.

“Fleiri av teimum sum eru rakt av hesi skjótingini, kunnu vera tilflytarar ella til og við flóttarfólk. Tey hava valt at gera New Zealand til sítt heim og New Zealand er teirra heim. Tey eru vit. Tann sum stóð aftanfyri yvirgangin, er ikki vit. Tann persónurin hevur einki pláss í New Zealandi,” sigur hon.

 

Kelda: VG


Lagt út: Helgi Abrahamsen
Lýsing
Mest lisið í farnu viku
Fakta kekking av Ingolf S. Olsen
Allan Samuelsen: Country & Blues festivalu­rin hevur vind í seglini
Magnus Heinason gjørdi bummtúr eftir toski
Vespureiðrið (100) - 18. mars 2019
Cruise­skip við 1300 fólkum í havsneyð 1-2 sjómíl frá norsku strondini
Tí eigur onkur at steðga verandi ætlanum, áðrenn stórskaðin hendir.
Flaggdagin 2018 var tøki peningur lands­kassans negativur
Komið øll við (4) - Gestur: Mikkjal Hvannastein - 21. mars 2019
Prát við Rigmor Dam, fyrrv. mentamála­ráð­harra
Dómadagsmiðlar og politikarar siga eitt, veruleiki sigur annað
Jógvan Skorheim vísir aftur øllum ákærunum frá Rógva Fossadal
Samkynda forkvinnan hjá skotsku konservativu júst fingið barn
Hvast orðaskifti á tingi um Lands­bankan
Stóra plastruddingin í Kyrrahavi­num er steðgað
Normenn fingu rættuliga stóran tosk
Louisa Joensen rópar varskó, meðan hon ansar føroysk ross í 47 m/­s
Botnurin er lagdur fyri árið
Tey villfremmandu halda fram at floyma yvir Bretland
VÍF - H71 endaði við 33-22
Hjálparfólka­felagið og Betri hava kunningarfund
Fyrsta flagið er loyst fyri eini risastórari verkætlan við eigaraíbúðum í Vesturbý­num í Havn
Italska stjórnin lagt ræðandi uppskot til fíggjar­lóg fram
Prát við Jóhan í Niðristovu, um vindmyllur
Nógvar 100-tals milliónir oyramerktar til okkara heilsuverk hvurvu
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi