Áðrenn veturin í Italia fekk fólk at halda seg innandura, kláraðu 1000-tals borgarar í italska høvuðstaðnum móti ársenda at gera vart við sína misnøgd, tí býráðið við Virginiu Raggi sum borgarstjóra ikki klárar at halda býin reinan.

Eitt er, at bygningar í býnum falla í órøkt, og at húsarhalds- o.a. rusk ikki verður savnað og beint burtur. Dungarnir, ið hópast upp fram við gongubreyt-um ero so stótir, at rottur og nú eisini villsvín hava góðalív av matleivdum.

Holutir vegir eru ikki koyrandi eftir, og býbussarnir eru so hættisligir av vantandi viðlíkahaldi, at eldur festi í yvir 20 koyrandi bussar í fjør. Herfyri fór ein rullutrappa í metroini at mala so skjótt, at 24 russiskir fótbóltsfjeppaðar (neyvan appelsinfríir) fóru um koll og máttu skaddir undir læknahond.

Rakstrarrópið hjá rómbúgvum er: “Roma dice basta” (Róm sigur, nú er nokk)!