Fleiri demokratar bjóða seg fram til amerikanska forsetavalið
“Kollveltingin etur síni egnu børn,” segði franski kollveltarin Danton undir rættarmálinum, tá hansara mest víðgongdu felagar dømdu hann til deyða.
Mangur man hava hugsað um orð Dantons, nú 6 hart vinstrahallir Democrats hava boðið seg fram sum næsti forseti í USA. Tað løgna er, at øll hava krøkt seg í politisku skránna hjá tí fávitskutu, snjøllu 29 gomlu Alexandriu Ocasio-Cortez, stytt til AOC, ið er nývald í Kongressuna. Hon veit einki um búskap.
Tó er tann myndaliga, dassleitta kvinnan vorðin politisk stjørna teirra ungu. AOC hevur kunngjørt ein New Green Deal, ið bannar øllum kolvetni í 2030, krevur snartok fyri flogfør, el-bilar,“ókeypis” heilsurøkt og útbúgving, eftirgeving av lestrarskuld, býli fyri øll og so minstuløn (eisini tey, ið ikki vilja arbeiða).
Tað er í USA, at alt tað góða og ringa hendir, ið síðan rakar Vesturheimin.
Flestu democrat valevni til forseta siga seg taka undir við gávumildu gentuni.
Hetta er ikki ein gang lygn (sum onkur hevði sagt). Spurd, hvussu AOC ætlar at fíggja almennu gávubúðina, sum serfrøðingar framskriva fer at kosta $ 42 trilliónir (= 250.000 mia krónur = 2 ferðir amerikansku statsskuldina og 2 ferðir árliga BTÚ hjá USA og 10 ferðir árligu fíggjarlógina) smílist hon bara sjarmerandi við við kinnklovum aftur til oyruni og sigur, at hon vil skatta topp 1% av inntøkum 70% (umframt stats- og komunuskatt (= upp til 85%).
Skattaserfrøðingar hava síðan roknað út, at um tey ríkastu 1% amerikanar vórðu skattað 100%, hevði tað bert givið statskassanum $ 23 mia eyka (= 1/200 av almennu úteiðslunum og hevði fíggjað almenna raksturin í 2 dagar.
Í fyrra lagi hevði 85% skatttøka gjørt, at hvør einasti ríkmaður hevði sent alla sína inntøku og áogn uttanlands og rikið allar millionerar til skattskjól. Tað er hent ferð eftir ferð í nýggjari søgu, tá sosialistar hækka skatta% køvandi høgt.
Í øðrum lagi ávara allir skilamenn ímóti yvirhøvur at tvinga Vestanlond til at banna kolvetni av “religiøsum” ella “svakligum” orsøkum, tí olja, gass og kol eiga lívið í 85% av heimsins framleiðslu, inntøkum, vinnulívi, vælferð o.t.
Miló av vindmylnum og mió km2 av sólorkupanelum kunnu ikki erstatta ein brotpart av tí orku, ið kolvetni og atomkraft nú tryggja heimsins íbúgvum. Eitt virkið kolvetnisbann í 2030 hevði dripið 5 mia fólk í kulda og hungri.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur