Dagliga hoyra vit spádómar um heimsins undirgang frá teim, ið liva av at lova sosialt rættvísi, selja ring tíðindi, granska veðurlagsbroytingar o.a.pátrúgv.

Veruleikin er ein heilt annar enn tað, sjálvtilnevndir inntøkujavnarar og heimsbjargarar ræða fólk til at geva teimum vald til at útinna av undurverkum.

Í áratíggju hevur jammurin snúð seg um yvirfólking og vaksandi fátækradømi kring heimin, ístaðin fyri at siga sum er: Tey lond, ið virða tey 10 Boðini, verja privatan ognarrætt, javnstøðu fyri lógini, persónligt frælsi, marknaðarbúskap, rættartrygd, lágt skattatrýst, lóg og landaskil og mannarættindi, verða rík.

Enn rullar Afrika í vesøladømi og ófrælsi, og í islamskum londum, pørtum av Asia og Suðuramerika gongur striltið at fáa framburð ájavnt kapitalistalondum. Í Kina og seinni í India hevur kapitalistik framleiðsla gjørt undurverk til at lyfta 100-tals mió fólk úr djúpastu armóð upp í miðalstætt í inntøku og livistøði.

Fyrst í 1980-árunum gjørdist Ronald Reagan forseti í USA og oddviti fyri marknarbúskapi og fólkaræði, so at Eysturevropa fekk frælsi eftir 1990. síðan Deng Chao Ping loysti risa skapandi kapitalistiskar kreftir í kinesiska fólkinum, hóast tað enn er politiskt trælbundið, er heimsins ríkidømi økt almikið.

HumanProgress.Org og IMF skrivaðu herfyri, at í 1980 livdi 44% av heimsins fólki, tá 3 mia fólk fyri undir 10 kr í inntøku um dagin. Í fjør var hetta lutfall lækkað niður í 9%, t.e. 80% ella nú undir 1 mia dustfátæk fólk. Heimsins fólkatal er økt úr 5 upp í 8 mia fólk, mest í nevndu tilafturskomnu londum.

Kina eftir 1980 hevur skilt, at fríur kapitalflutningur til íløgur, har hann gagnar og framleiðir mest virði, hevur loyst armóðshaftið av100-tals mió fótum í Kina.

Hvussu ber so til, at eitt land sum USA hevur fingið ein nýggjan vinstravong og hóp av democrat forsetavalevnum í 2020, ið krevja eitt utopiskt samfelag, hóast øll síggja, at sosialisman hevur knúst lond og fólk sum Venezuela.

Hvussu agitera hesi valevni og skutilsveinar í miðlum, hægri læristovnum og byrokratinum í vón um at fáa stuðul frá 10-tals mió av ólógligum tilflytarum úr 3-heimi, ið søkkja hvønn “bjargingarbát”, tey trunkast á uttan at vilja rógva?

“Aftur til fátækradømi”, “Atkvøð sosialismu”, “Eingin sleppur at royna seg”, “Fá ein byrokrat at stýra tær”, “Hægri almenn nýtsla,” Hægri skattatrýs” ella hvat?