Ein politisk kvinnusøga aftrat – hesa ferð í Ethiopia
Fáar sólskinssøgur eru at frætta úr Afrika. Men limirnir í etiopiska tjóðartingin-um í Addis Abeba hava valt Sahle-Work Zewde sum landsins fyrsta kvinnuliga forseta. Góð boð, hóast embætið er ikki útinnandi, men formligt.
Sahle Zewde er 68, royndur diplomatur og nú einasti kvinnuligi stjórnarleiðari í Afrika. Hon lovar at virka fyri størri kynsjavnstøðu, og tað man treingja til.
Andøvsløtan helt herfyri tað vera fagnartíðindi úr Etiopia, at Abiy Ahmed varð valdur forsætisráðharri, og helvtin av hansara ráðharrum eru kvinnur.
Men hóast nýggja stjórnin í Addis Ababa er komin heppið frá byrjan, eru 200.000 etniskir somaliar í eystara Etiopia flýddir aftrat teim 500.000, ið eru rýmdir fyrr, so 1,1 mió búgva nú í legum, smbr. norska flóttaráðnum NRC.
Turkur herjar aftur, fólk svølta í hel í Eysturetiopia, og onnur 1000-tals eru deyð í kríggi millum fólkaættirnar um land. Somaliar eru muslimar, og tey klandrast altíð við sínar landsmenn við aðrari trúgv ella eru grannaland hjá.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur